E muamua lava ona sii le viiga ma le faafetai i le Atua ona o lana pule faasoifua e ala i lona alofa i si o matou tamā ina ua mafai ona matou mafuta ai i lona 85 tausaga lenei o lona soifua. Sa lē puupuu le aao o le Atua e ala ia te ia.
E fiafia ai foi o matou loto e alaga le faamanū i le Atua ona o ana galuega lelei mo i matou le fanau. Auā ua matou vaai i ana galuega sa fai, e ui i le mativa ma le lē tagolima ae sa lē faavaivai i le faaaoogaina o matou. E tele ni vaega lelei e matou te fia faafetai ai i le Atua e ala i lona soifua.
O le tatalo i le Atua ia faafualoa lona soifua ma maua e ia le soifua maloloina, maua lona tino malosi ae sili ona foai pea ia te ia le fiafia. Auā o lea ua aulia mai le 85 tausaga o lona soifua ae o loo lelei pea lana silasila, lana faafofoga, aemaise ona aao.
Ma ia faatumau pea lona fiafia e auauna i le Atua i aso o totoe o lona soifua, ma maua ai pea le mafutaga mafanafana ma le fanau i lenei soifuaga lē tumau.
Na soifua mai le tamā ia Aiono Talevu Luapo Taulia i lona alalafaga i Matautu Falelatai. O ona mātua o Taulia ma Vaelaa o Matautu i Falelatai lava. O se molimau a le tamaitai o Epi Ka mai Samoa, o le tele o aso e mānava atu ua vela se kuka a lona tamā o se sua eleni poo se kaleve ma se faalifu, o faailoga ia e iloa ai e alofa pea lo latou tamā ia i latou o loo tausi pea e ui ina matutua.
O alofaaga mai i lau famau e toa 9 ma fanau a lau fanau ma ou aiga uma lava mai Samoa, Niu Sila, faapea Ausetalia nei i Sini, Melepone ma Perisipeni.
