O lea ua faitau aso nei ona toe amataina loa lea o le taamilosaga a le Iuni Lakapi a Aukilani Samoa. I se feiloaiga ma le Peresitene ia Aiolupoitea John Roache o se tausaga fiafia tele lenei i le tauamataina mai o lenei taamilosaga.
E pei foi ona silafia le faamanatuina lea o le 20 tausaga talu ona faavaeina lenei Iuni Lakapi a Samoa i Aukilani Niu Sila nei, ma sa lē faigofie le tau amataga o lenei faamoemoe, mai le tele o faigata ma faafitauli na tulai mai i ia vaitaimi ae o loo agalelei pea le Atua o loo faasolosolo ma agaigai pea i luma lenei taumafaiga i tausaga uma. O loo vaaia pea le lagolagoina e le tele o nuu ma afioaga o lenei taamilosaga i tausaga uma, ma o loo vaaia foi le sao o lenei taamilosaga i nisi o alo ma fanau ua maua ai avanoa i kalapu iloga i totonu lava o Aukilani poo Niu Sila foi faapea foi atunuu i fafo.
O lenei taamilosaga mo le silafia o loo faafoeina uma taaloga nei i lalo o le Asosi laufali a le Iuni a Aukilani i Niu Sila. O lona uiga o loo tauaveina ai le maualuga o le tausisia o le tulafono o le taaloga o loo iai, ma o se tasi foi lea vaega o loo tāua ai le taamilosaga ona o loo mafai ai ona malamalama lelei tama taaalo i tulafono o le taaloga.
O lenei taamilosaga o loo iai le faamoemoe e toe taualugaina i le taitoafitu taaloga o lenei tausaga. Se vaaiga la lenei i taaloga amta o le taamilosaga o lenei tausaga 2015.
Faasologa o Taaloga Aso Toonai, 28 Aukuso 2015
Pool A
Moataa vs Iva (Field 2) 12.00noon
Auckland Reds vs Laulii Lion’s (Field 1) 1.30pm
Nations vs Laumua o Tumua (Field 1) 3pm Shield Match
Tama o le Lava (BYE)
Pool B
Apia Maroons vs Sataoa (Field 1) 12.00noon
Nofoalii vs Mountford (Field 2) 1:30pm
Marist vs Saleimoa (Field 2) 3:00pm
Tauaana (BYE)
