E vivii fai a‘e o ma loto i le Atua e ona le malosi uma, ona o tausaga e 21 o la tatou mafutaga, i sa ma tausi mo oe le atalii ma sau tautua ma le usitai mo ma‘ua ou mātua, aemaise o lou naunau i le misiona a le Atua, faapea lou ola faaaloalo i ou uso ma tuafāfine, ae lē faagaloina foi lou alofa tausi aiga ma lou iloa o lou tulaga i totonu o lo tatou aiga.
O la ma tatalo faifaipea ia aogā la ma fanau mo le finagalo o le Atua, ma tatala faitotoa o manuia mo oe si a ma tama, ma foai nisi tausaga se tele mo lou ola ma la tatou mafutaga. Manuia lou Aso Fanau.
Na aofia potopoto ona aiga ma uo i le maota o fiafiaga i Roxburg Park i le Aso Toonai, na muamua lava i apoapoaiga mai le afioga a le Atua na saunoa i ai le susuga i le Epikopo ia Fiu Talosa Iosua Fiu, sosoo ai ma le taumafataga matagofie mo lona aso fanau.
O moomooga alofa mai ou mātua Eliapo ma Fitilagi Puepuemai, ou uso ma tuafāfine, lau Ekalesia, au uo ma aiga uma lava i Melepone. Happy Birthday Leroy! We love You.