O le ofi atu o le ‘au a Samoa i lenei foi faagatama ua igoa o le Handball, o se faamanuiaga lea i nei foi alo talavou o loo tuputupu a‘e.
O le sauna ai o lenei au taaalo e malaga mai, na faaalia ai e le susuga i le faafeagaiga o loo ta‘ita‘ia mai le aumalaga, sa tagi lava i lima le sailiga seleni auā pasese ma le tele o le manaomia.
O lenei taaloga e fou i Samoa, ma e 5 isi atunuu o le Pasefika e pei o le atu Solomona, Vanuatu, Ausetalia, Niu Sila, Rarotonga ae filo ai ma Samoa.
O le oo mai la o le au taaalo i Brisbane nei, e molimauina le faafiafiaina o le Komiti ona o le mataalia ma le taaalo tausaafia, e ui e lei manino i tulafono o le taaloga, peitai e leai se mea e sili nai lo le taumafai atili ma le taaalo faatamālii e pei ona faaailoaina i le po o le Aso Toonai na tea nei.
O le itu lelei lea o loo mataituina i le au a Samoa, e lē o se naunau manumalo ae o le agaga fiafia e laualuga i mea uma.
Na taunuu mai le ‘au taaalo mai Samoa i le aoauli o le Aso Gafua, aso 6 Tesema i Brisbane.
E toa17 le aumalaga e aofia ai le susuga i le faafeagaiga o loo aumaia le au, susuga ia Rev Fuatimu Posese. O loo avea nei o ia ma pule aoga i le Kolisi a le ekalesia i Nuuausala.
O le susuga ia Rev Hemi Faaeafaleupolu o se tasi lea o faafeagaiga o le Ekalseia EFKS a Leauvaa, o ia o se sui o le komiti a le Oceania o loo malaga mai ai foi.
O le susuga i le toeaina ia Rev Lauie Lupematasila ma le faletua ia Autalaga o le EFKS North Side sa faato‘ai mai i ai le faigamalaga.
O le agaga fiafia o faafeagaiga sa aumaia le aumalaga ona o le lagolago malosi mai o nai Toeaiina, faafeagaiga EFKS & faletua ma nisi ekalesia faapea nai o latou aiga i le tausiga o le autaaalo.
I se faatalatalanoaga ma le ta‘ita‘i o le aumalaga na ia ta‘ua ai le faafetai tele i nei alo ma fanau ona o le molimauina o le sogasogā ma le finau. E iai le talitonuga o le toeaina faatonu ma toeaiina ma le aiga faafeagaiga ina ia faalauiloa ma faalauteleina lenei taaloga fou i tupulaga talavou a le Ekalesia EFKS o le Matagaluega a Kuiniselani.
O le taimi nei o loo tulai mai Samoa i le tulaga 4, ma e tusia lenei ripoti e lei mae‘a le suega siamupini lea o le a alo atu i ai Ausetalia ma Niu Sila. O le naunautaiga lava o le Komiti o le aumalaga, ina ia mafai ona lagolagoina e Samoa i soo se tafa o le lalolagi lenei taaloga fou ua ofi mai auā o loo afifi mai ai se manuia mo alo o ma fanau fai a‘e o le atunuu.
(if you have space)
O suafa nei o le au:
1. Christopher Fuameta Posese (Lalomalava, Faleula)
2. Brian Pesamino Anae
(Falelatai, Salesatele Falealili)
3. Metuli Iosefa (Leulumoega, Salesatele, Faleu Manono)
4. Kaleuati Lesitala Tapusoa Tumau (Fasitootai, Lalomauga)
5. Luteru Vaifale Luteru (Leauvaa, Faleaseela, Manono-Uta)
6. Makesi Afoa (Leauvaa, Fagalii)
7. I‘u Sa‘emo Sasa (Fasitootai, Leulumoega, Laulii)
8. Larry Misipati (Falelatai, Nofoalii)
9. Timothy Peni Seuao (Faleula, Solosolo)
10. Jerry Afa Akeripa
(Malie, Saoluafata, Satupaitea)
11. London Leauma (Toamua, Samauga Savaii)
12. Aukuso Filipo Savea
(Malie, Satitoa, Vaipu‘a Savaii)
13. Iakopo Nofoa (Fasitootai, Afega, Sasina, Paia Savaii)
14. Etimani Key (Leulumoega, Salani, Manase, Fagamalo)
Ofisa: Rev Hemi Faaeafaleupolu
(Fasitoouta, Afega, Grey Lynn NZ)
Faiaoga: Rev Fuatimu Posese
(Lalomalava)
Faiaoga: Tupa‘i Faafetai Manusina
(Salani, Leauvaa, Satuimalufilufi)
Faiaoga: Emere Samau
(Fagalii, Sauano, Lelepa, Faleu Manono)
