Sa faapolokalameina e alo ma tamafanau a Samoa o loo galulue i le Aoga maualuga faasetete (Woodridge State High School) i le aai o Woodridge i Logan, faatasi ai ma isi tamafanau a le Pasefika, se polokalame ua faaulutalaina o le Pacific Youth Research Symposium Program. Ma o le Aso Tofi, 27 Novema 2014 na faataunuuina ai lea polokalame i le Aoga maualuga faasetete lea a le Woodridge State High School. O le Pacific Youth Research Symposium Program, o se taumafaiga ia tuufaatasia ai tu ma aga faa-Pasefika, aemaise o le mafuaaga o le malaga mai o tagata Pasefika e nonofo ma aumau i atunuu i fafo e iai Niu Sila ma Ausetalia.
E tasi lava le sini, e “Mo se lumanai manuia o alo ma fanau talavou” e pei ona faamatalaina e le tamaitai faiaoga o le Igilisi a lea Aoga, o Masina Alofipo, o ia foi lea sa faalauiloaina le aano moni o lea Polokalame.
Sa muai tatalaina i le ‘ava o le feiloaiga sa matagofie lona faatinoina e tamalii ma failauga o loo aotauina i le polokalame o le Fue Felafoai i lalo o le taitaiga a le fetalaiga ia Leautuliilagi Sogialofa Vaatausili Leapai mai le mafutaga a le Leo O Tagata Samoa i Logan City, ma le ‘ava sa paluina e le tamaitai o Sarai Tafa.
O nisi o malo faaaloalogia sa auai, o le Pulenuu o Logan City Mrs Pam Parker, sui pulenuu Russell Lutton, sui tauva o le Labor a Woodridge i le faigapalota faasetete a Kuiniselani 2015, Cameron Dick, Peresetene O le Leo o Tagata Samoa Logan City, Faimalotoa Ioane Pale, Puleaoga o le Woodridge State High School, aemaise o le aumalaga mai Niu Sila lea sa fai sao uma i ni saunoaga matagofie o lea aso.
Keynote Speakers:
Dr Damon Salesa
(The NZ Pacific & the new Pacific)
Dr Roannie Ng Chiu
(from hot hula girls million $$ Warriors)
Plenary Speakers:
Dr Jemaima Tiatia-Seath
(Samoan & Cook Island Youth Suicide)
Dr Julia Ioane
(P.I. Youth Offenders –
A Psychological & Cultural Prospective)
Dr Judith Kearney
(Aligning the Worlds)
Salote Mafi & John Dalgleish
(Reconnecting disaffected Youth)
O le faaiuga sa maua ai le avanoa mo fesili ma tali, Health & Justice sa gafa lea ma (Julia, Jermaima ma le susuga ia Tau) Policy & Government (Roannie, John & Ati Summary & Feedback – (Dr Damon Salesa, Dr Roannie Ng Chiu.
Sa faaiuina i le saunoaga faaiu a le fofoga o le aso, le tamaitai ia Masina Alofipo ma ta‘ape ai le filialii.
