Ua filifilia nei se tamaitai e avea ma Komesina Lagolago ole Matagaluega o Leoleo. Ole tamaitai ua tofia o Supt Monalisa Tiai-Keti. Ose filifiliga sa le maumanatu iai le toatele talu ai, ose tofiga se mafuli lava ile itupa o alii.
O lenei suiga fou na faia ele Malo, na afua mai ona feteenaiga sa tulai mai i totonu ole Matagaluega, e pei ona faamalolo le tumau ai le alii Komesina ia Fuiavailili Eagon Keil, ona o moliaga faasolitulafono sa faia faasaga ia te ia. O ia faaletonu na afua ai ona toe faia suiga ele Malo, ole a toe foi lava ile tasi le sui Komesina e pei ona sa sau a’i muamua.
Ole lua vaiaso talu ai na faamavae aloaia ai Sui Komesina e toalua ole matagaluega sa iai le susuga ia Talaimanu Keti ma le afioga ia Fata Aviga Salale, ina ia avanoa ai le tofiga mo se tasi ole a filifila. Ole tofia ole tamaitai ia Monalisa Tiai-Keti, ua ogatasi foi lea ma le tofa mamao ale Matagaluega ole maua lea o avanoa tutusa e alii ma tamaitai, ile faatinoina o galuega faaleoleo, faapea foi tulaga tau pulega i totonu ole Matagaluega. Ole 2004 na ulufale ai Monalisa ile galuega faaleoleo.
O ia ose teine tuai ole Kolisi o Samoa, ole tausaga e 2000 na ulufale atu ai ile Iunivesite Aoao o Samoa ma faaauau atu ai lona soifua aoaoina ile Iunivesite o Waikato ma faauuina ai i lona faailoga ole Bachelor in Social Science. Sa faapea foi ona aoaoina ile Iunivesite o WolIongong ma faauu ai i lona faailoga ole Masters in Transnational Crime issues.
I totonu ole 13 tausaga o lana auaunaga ile Matagaluega, sa molimauina lona finau ma le maelega ile faatinoina o ona tiute. E tofia nei o ia e avea ma Komesina Lagolago, oloo faauluulu ia te ia le vaega tau aoaoga ale matagaluega (Police Training Section).
Ole tamaitai Sui Komesina fou ua faaipoipo e mai le afioga o Sapapalii, Vailuutai ma Magiagi, ua faaipoipo o ia e toatolu foi ona alo. Na faailoa ele Matagaluega moomoga lelei mo le Sui Komesina fou i lona tulai mai e tauave lona tofiga fou.
O talaaga o lona soifua tauivi
Aoaoga:
University of Wollongong – 2008 – 2009 (NSW, Australia)
University of Waikato – 2001 – 2003 (Hamilton, NZ)
University of Samoa – 2000
Samoa College – 1996 – 1999 (Vaivase-tai, SAMOA)
Apia Intermediate – 1994 – 1995
Apia Primary School – 1993 – 1988
FAAILOGA TAU AOAOGA
2004 – Bachelor of Social Sciences (University of Waikato)
2009 – Masters Transnational Crime (University of Wollongong)
2012 – Certificate IV in Frontline Management (Australia Maritime College – AMC)
2012 – Cert IV Training and Assessment (Canberra Institute of Technology)
2013 – Pacific Judicial Development Programme (Family Violence and Youth Justice Workshop (8-11/10/13)
2013-2015 – Pacific Police Training Advisory Group
2015 – Pacific Women Advisory Network Mentoring Working Group (Brisbane, AUSTRALIA)
Pacific Police Senior Management Training
