Ole tamaitai o Vaifou Koria na manumalo ole tausala ole Kolisi o Samoa ile tausaga ua mavae ma oloof ave nei lana tausaga o aoaoga faaiunivesite ile Iunivesite aoao a Samoa. E ui ua mae‘a ana aoaoga ile kolisi ae ua ia lagona e tatau lava ona faia sana galuega lelei mo fanau oloo aooga ile taimi nei.
Olea na feiloai atu ai Vaifou i fanau ale Kolisi o Samoa ma faailoa iai se faailoga ua ia saunia ole a maua ele tama poo le teine nate ausia se tomai ile agavaa ile tomai ile siva, musika, poo le faatinoina o taga ma tala ise tala faakoneseti poo se ata tifaga.
Ua ia faaalia ose tasi lea o tomai aoaoina e tāua ia te ia auā e fiafia foi e suesue ma faatino.
O Vaifou ole alo ole susuga ile faifeau o Paulo Koria male faletua o Dora.
Ua talafeagai le faailoa o le faailoga faapitoa ua ofo e lenei tamaitai talavou sa avea ma tausala ole Kolisi o Samoa, male tapena foi ole kolisi mo lana tauvaga e saili ai se tausala o lenei tausaga lea e tapenaina ma faatino ele vasega ole Tausaga 1991 ile 1994.
Ole aso 15 ole masina fou lenei o Setema ole a faia ai lea faamoemoe.
