E telē se sao tāua ma galuega a le Asosi o tamaitai tuai o Pope Paulo VI e pei ona faagasolo ai Editions ma filifilia ai loa ni alo o le atunuu se toaiva e faia ai se tauvaga taleni.
O lea faamoemoe sa faia lea i le po o le Aso Toonai 24 o Setema i le hall a le PCYC i Deception Bay i le itu i Matu o Kuiniselani.
E uigaese le matagofie o faailoga sa tapenaina e le kamupani a le Just 1 Call Cleaning Specialist, lea o loo faauluulu i le susuga ia Iakopo Taala.
O le youth charity sa manumalo ai Charity Soo Choon – pepa malaga fua filifili poo Samoa, Niu Sila poo Hawaii; tu lua Carl Chong Nee – pepa tala fua ai oloa ma le seleni; ma le tulaga tolu o le tamaitai o Anastasia Tauilo – voucher e tala fua ai oloa ma le seleni.
O le Mr Teuila o Siaosi Selesele na maua le pepa malaga fua e faia le filifiliga o poo Samoa, Niu Sila poo Hawaii, ma Peter Iosefo maua le pepa tala fua ai oloa ia Good Guys.
O le Mrs Teuila na manumalo ai le faletua ia Talosaga Tuvale na ia mauaina foi le pepa malaga fua e filifili poo Samoa, Niu Sila poo Hawaii e faapena foi le tu lua o Kamalita Harm ma Naomi Chong Nee mauaina foi se pepa e tala fua ai oloa.
O faamasino o le tauvaga o le afioga ia Tauiliili Ata Peseta Malifa (Sui o le alaleo 4EB) afioga ia Lemalu Patricia Sevele (Sina World Travel) Muliagatele Filipina Petelo (Sui o le Komiti Miss Samoa Australia) ma Sarah Lio Willie.
O Scrutineers o le tamaitai o Deeana Tauilo ma Theresa Marialosa Swindells. Na lautogia ai foi nisi o malo faaaloalogia i lea afiafi e pei o le faletua o le Toeaina EFKS Pulega a Matu, le faletua ia Autalaga Lupematasila na ia tauaaoina se pepa malaga fua mo Samoa.
O le faletua ia Telesia Leota o le sui Peresitene o le Asosi sa faatautaia le po. O le susuga lava i le faafeagaiga EFKS ia Rev Perelini Tauilo na amataina i le sauniga lotu puupuu ma toe faaiuina foi i se tatalo.
Na auai le alii pule o le ofisa malaga lauiloa i Brisbane le susuga ia Steve Sevele e pei ona filifilia ai si ona faletua o Lemalu Patricia o se tasi o faamasino sinia o le po. Na maualuga foi lea afiafi i le faatasi atu o le afioga ia Taulapapa Lemalu Roy Slade ma le faletua ia Joyita o le Peresitene o le Mafutaga a le Aiga Samoa INC i le itu i Matu.
O le faamoemoe lava o nei tamaitai tuai o le agaga fia fesoasoani atu i alo ma fanau a le aoga i le totogiina o sikolasipi. O le taimi nei o loo avea ma Peresitene o le asosi a Pope Paulo VI, le faletua ia Sitika Lemana-Satui; sui Peresitene o Telesia Leota; Teutupe o le faletua ia Tili Tauilo ma le Failautusi o Faleupolu Taofinuu Siulai.
