E tele tiute faafaipule o le Palemene ae e lei tuua ai e sui faipule e toa sefuluvalu sa saili se isi faailoga i suesuega tau tulafono le toaaga e faimeaaoga ma suesue ina ia taulau o le faamoemoe o se tusipasi e faamauina ai ua ausia se isi laasaga sili atu i tomai tau tulafono aua le feagai ma galuega o faipule e fausia tulafono mo le manuia o tagata uma o le atunuu.
Na taunuu le manaoga o faipule o le Palemene o Samoa i le Iunivesite o le Pasefika i Saute e fia maua se tomai i suesuega tau tulafono ma na liliu ai le pulega o le Iunivesite ma toe fetuunai ana polokalame ma faatino loa le aoaoga.
Sa autu tapenaga o le aoaoga lenei i le faafetaui o manaoga tonu tau tulafono o loo faatino ai galuega i Samoa.
Faaalia i se pepa o faamatalaga o se aoaoga taua tele mo faipule ua maua tusipasi i suesuega tau tulafono aua ua fetaui tonu ma o latou tiute faafaipule.
Na saunoa le Palemia i lana polokalame masani i luga o le leitio ma ia faaalia lona mitamita ua ausia e nisi o faipule o le Palemene lea laasaga taua, ma lana saunoaga ua tatau ona avanoa loa ona avea faipule ua maua faailoga tusipasi o le tulafono e avea ma faamasino o le faamasinoga. O suafa la nei o faipule ua maua tusipasi o suesuega o mataupu tau tulafono:
Aliimalemanu Alofa Tuuau – Alataua Sisifo (West)
Faumuina Asi Paul Wayne Fong – Urban West
Gatoloaifaana Amataga Alesana-Gidlow
– Faasaleleaga Nu.1
Faalogo Iosefa Sopi Faalogo – Siumu
Loau Solamalemalo Keneti Sio – Sagaga le Falefa
Mulipola Laki Leiataua Mulipola – Aiga i le Tai
Lauofo Fonotoe Nuafesili Pierre Lauofo
– Anoamaa Sisifo
Taefu Lemi Taefu – Falelatai & Samatau
Lopaoo Natanielu Mua – Vaisigano Nu.1
Tapulesatele Tamasone Mauteni II Esera
– Vaisigano Nu.2
Nafoitoa M. Talaimanu Keti – Gagaemauga Nu.3
Tuifaasisina Misa Richard Aiolupotea – Palauli Sasae
Fuimaono Te’o Samuelu Atiifale – Falealili East
Pa’u Sefo Taumata Pa’u – Faasaleleaga Nu.2
Ili Setefano Taateo Tafili – Aana Alofi Nu.2
Tafua Maluelue Tafua – Aleipata Itupa i Lalo
Toleafoa Vaafusuaga Ken Poutoa – Lefaga & Faleaseela
Lenatai Victor Faafoi Tamapua – Vaimauga Sisifo Nu.1
