O le vaiaso na tea nei sa faataunuu ai se taamilosaga lakapi i le va o ni aufili mai i aoga Intermediate ma kolisi i Aukilani i Sisifo, Aukilani i Saute, Aukilani i Sasae ma Aukilani Tutotonu e pei ona masani ai i tausaga uma talu ona amataina lenei taamilosaga mai le tausaga 2009.
O nei ‘au sa filifilia mai i ni tamaiti mai i ni aoga Intermediate ma kolisi. Latou te tauva e sue ai le itumalo e manumalo i le Ipu ua ta‘ua o le Bill McLarren Cup. Talu ona amataina lenei taamilosaga sa manumalo lava le aufili a Aukilani i Saute i tausaga uma, ae o le tausaga muamua lenei ua see ai le siamupini i le ‘au a Aukilani i Sasae.
Sa maitauina le toatele o alo ma fanau Samoa sa taaalo ma faaali o latou tomai ma taleni i le lakapi e tauaveina le igoa o le latou itumalo. Sa faapena foi le toatele o mātua sa maimoa ma tapuai o latou alo i le vaiaso atoa.
O le Aso Faraile na tea nei sa taaalo ai Aukilani i Sasae ma Aukilani Tutotonu i le final ma na manumalo ai Sasae i le siamupini o le Ipu. O le tulaga tolu (3rd), ma le fā (4th) sa taaalo ai Saute ma Sisifo ma na manumalo ai Saute i le 42 i le leai a Sisifo.
Sa faapena foi ona auai ni faiaoga mai aoga tetele e pei o Kings College, St Kentigern, Wesley College ma nisi o aoga tetele e filifili ni tamaiti taaalo e ofo i ai Sikolasipi. O lenei taamilosaga ua tele ni alo Samoa ua filifilia ma maua ai ni a latou sikolasipi mai aoga tetele ma ua faamanuiaina ai o latou aoaoga.
Ina ua uma le taamilosaga sa faataunuu ai lava ma le laugatogi ma lauina ai loa ma ē ua filifilia i le au tele a Aukilagi atoa. E to‘a luasefulu tamaiti sa filifilia latou te tauaveina le igoa o Aukilani i se taamilosaga o le a sosoo nei e tauva ai ma Counties ma Ueligitone ma isi aufili i totonu lava o Niu Sila.
O se vaaiga fiafia foi ona o le toatele o nisi o alo Samoa ua faamanuiaina a latou taumafaiga ma ua filifilia ai i le au tele a Aukilani Under 13 a aoga Intermediate ma kolisi.
O Warren Loulangtin (Papatoetoe Int), Nathaniel Manase (Kedgley Int) Rapture Toleafoa (De La Salle), o i latou nei o nisi o alo Samoa ua filifili i latou i le aufili tele a Aukilani.
O le au a Aukilani i Saute sa Kapeteniina e Warren Loulanting mai i le aoga a Papatoetoe Intermediate, a o Nathaniel Manase mai i le aoga a Kedgley Intermediate sa Vice Captain. O faiaoga (coaches) mai le 2009 e oo mai le taimi nei – Mr Danny Gatusa & Mr Bryan Ofamooni.
Aukilani South Rep Team 2014:
1. Logi Tongotongo – Ferguson Intermediate
2. Bureta Finau – De La Salle College
3. Rapture Toleafoa – De La Salle College (Selected Auckland Rep)
4. Tevita Uhila – Robertson Road School
5. Jack Samaauga – De La Salle College
6. Klarenzo Foou – Papatoetoe Intermediate
7. Nathaniel Manase (Vice Captain) – Kedgley Intermediate (Selected Auckland Rep)
8. Maeli Tava‘e – Hillary College
9. Zayphior Popata – Kedgley Intermediate
10. Sofa‘i Maka – De La Salle College
11. Poasa Telepe – Ferguson Intermediate
12. Turakina Penitani – Sutton Park School
13. Api Soloma – Hillary College
14. Tonga Mikaele – De La Salle College
15. Warren Loulantin (Captain) – Papatoetoe Intermediate (Selected Auckland Rep)
16. Jorge Tofilau – Hillary College
17. Marco Talagi – Ferguson Intermediate
18. Tinirau Rairi – Viscount School
19. Komani Paasi – Viscount School
20. Simon Collins – De La Salle
21. Waqa Caqeta – Papatoetoe Intermediate
22. Havila Molia – Viscount School
Coach: Danny Gatusa
(Teacher @ Hill Park School)
Coach: Bryan ‘Ofamo‘oni
(Teacher @ Holy Cross)
Manager: Pauliasi Moeakiola
(Teacher @ Sutton Park School)
Faamatalaga na tuuina mai
