Osofai ma tatui i lona lava fale

E 51 tausaga o se tama mai Dannevirke o loo tau togafitia nei i le falemai i Palmerston North, mai ni manuaga tuga na faaoo i ai e se tasi lava foi alii mai lea faaitu.
Fai mai lipoti, na tuitui atu se tasi i le faitotoa o le fale o si tama lea 51 tausaga, peitai na faateia i le tatala mai o le faitotoa ae osofai atu loa le alii lea 50 tausaga, ma amata loa ana osofaiga, i lona tatui sei tulou, o si nei tama i se agaese.
O le asō, lea ua fuafua e tatau ona tulai ai le alii lenei, 50 tausaga mai Dannevirke i le faamasinoga i le uluai valaauga o lona moliaga. O le tamā o loo faamanualia, Greg Buckley, na avatu e se helikopa a le Square Trust Rescue i le falemai ma o se lipoti mulimuli i le po anapo, ua faailoa mai ai, le faasolosolo ina to‘a mai si nei tamā.