O le faatalatalanoaga a le autusitala ma le afioga i le Palemia, na fesili ai se tasi Tusitala, pe o le ā se faiga e mafai ai ona unaia le autusitala e faasalalau na o mea moni, ae soia ia ona toe faasalalau mea lē moni?
O le afioga lava i le Palemia na saunoa, E iai le mau, ‘e oso pa loa le puaa fanua ma ‘ai talo Niue, e te fiu e toe taofi ua lē
mafai. Ua pa‘ua‘i.’
E faapea foi latou ia, ma faaali manino mai lava e le afioga i le Palemia, o loo avanoa pea lona ofisa mo tusitala i vaiaso uma latou te talatalanoa.
O loo tufa atu foi iuga a le Kapeneta e maua ai tala mai le Malo. Ae ua lololo pea ia i latou ia le tusi pea o nei mea pepelo e sue ai tupe i ni auala palapala ma le ‘alu‘alua.
Ia ailoga ea o malamalama nei tusitala pepelo – o le agasala pito inoino i ai le Alii o le tagata faatupu vevesi?
Ua toe faamamafa ai e lana Afioga i le Palemia, i le vasega o Tusitala, o loo avanoa pea lona Ofisa, ma o loo tele ma maua avanoa e ave atu ai tala sa‘o mai le Malo i soo se taimi. Ma o loo tuu avanoa atu pea le Malo i le ‘au tusitala faasalalau e tali atu i soo se mataupu o fia malamalama ai.
