Talu ai ua talia ai nei ele Palemene le teuteuga ole faavae o Samoa i lona vaega o talanoa ai ile saolotoga o lotu. Peitai o lea vaega ua atagia ai le aafia o lagona ma talitonuga o tagata Mosalemi, ma saunoa ai lona taitai, Susuga Laulu Dan Stanley, “Ailoga o iai se silafia ole Palemia ma faipule o le Palemene ile vaega ole faavae o talanoa ai i lotu.”
Ole taatiaga o iai ile taimi nei o lea mataupu ile Palemene, ua tuuina atu lea i lana komiti e mataitu mo ona teuteuga.
Ole teuteuga ua ave ai le avanoa i faifeau ma le lautele ole atunuu ini o latou manatu, ona faatoa avane loa lea ile Palemene e faia iai se finagalo o faipule ma se faaiuga ale maota.
Peitai ile finagalo faaalia o Laulu, “E na‘o le faalua lava ona ta‘u le upu Kerisiano ile Tusi Paia.
“O Mohammed ole tasi lea Perofeta ale Atua, na faatoa faamanuiaina ele Atua ile tusa ole 580 tausaga mulimuli ane ia Iesu.
“Pei foi ona avea ai Iesu ma Perofeta, e tutusa lelei lava Iesu ma Atamu. O tagata soifua na aai i meaai ma ola faatasi ma tagata.” “O Perofeta, o avefeau ale Atua.”
“Ole faaauauina e Iesu, e tasi lava le Atua, mai lava ia Atamu, e oo mai ia Mohamed, e tutusa lava le feau a Iesu ma le feau na aumai e Mohamed, e tasi lava le Atua.”
Ole igoa Islam ole faamatuu atu lea o lou tagata ile Atua. Ole Atua e leai sona suafa, auā ole Agaga o Ia. I tusi fesili a tamaiti aoga ale Ekalesia Faapotopotoga Kerisiano Samoa, EFKS oloo faapea mai ai foi, lo latou talitonuga, e lē mafai ona vaaia le Atua auā ole Agaga o ia.”
Ole upu masoā le upu KERISIANO i taliga o tagata Mosalemi. O tagata uma e pei o Aperaamo ma Mose e lē oni Kerisino ae o tagata e faatuatua ile Atua, ae ese le igoa na faaigoa ai latou.”
Talanoa lava Laulu, “faatoa ave nei lava le upu Kerisiano ina ua amata le tala‘iga a Paulo, ae na‘o le faalua foi ona ta‘u le Kerisiano ile Tusi Paia.
“Ole mea oloo taumafai nei, e lē iloa poo le ā le mea e ala ai ona fefefe isi Ekalesia ma isi tagata. Ae aisea e fefefe ai ile Isalama ae lē fefe ia Saina e lē o talitonu ile Atua?”
“Leai se tetee pe pisa i tupe mai atunuu lē Kerisiano”
“Ole talitonuga ile Atua, e leai se mea e leaga ai le aumai ole suafa ole Atua ile Faavae, ia avea Samoa ma nuu e faavae ile Atua ma fai malo ma tulafono faakerisiano.”
“E 630 Kerisiano ile lalolagi. Oute ofo ile anoano o faipule ae lē o suesue ile Kerisiano. Ole fautuaga ale taitai ole talitonuga Isalama “afai e lē o gau, aua le lotea fua, auā ole amataga lea o nisi suiga.”
Ua faamanatu mai foi e Laulu, e lē mafai ona suia le article 11, e lē aumaia e Tuilaepa poo le HRPP, ae popole ile faamasinoga ale Atua, ae lē ole faamasinoga a Tuilaepa. “We dont like the word” Ole upu Kerisiano ele fiafia iai le ‘au Mosalemi.
Kisi Malietoa ile aao ole Isalama
Manatua e oo mai ile taimi nei le kisi a lana afioga ile Ao Mamalu ole Malo o Samoa ua tofa mai tiasa, Susuga ile Malietoa Tanumafili II ile aao ole Isalama, Laulu Dan Stanley.
Talanoa Laulu, na valaaulia ia ile feiloaiga faapitoa na faia ile Malumalu Paia ole faatuatuaga Bahai. Sa iai le Susuga ile Malietoa. Sa talanoa Laulu ile gagana Samoa, gagana peretania, ma ia faitauina ai le tusi QURAN ile gagana Arapi.
“Ole taimi lava na uma ia ona ou tautala, na tulai ane ai i luga lana Susuga ile Malietoa savali mai ma kisi i lo‘u lima, ma faapena foi ona ou kisi atu i lona aao.” O lona taimi mulimuli foi lena ile Bahai Temple.
Ile tusi lea ole QURAN e iai le isi ona vaega atoa lava oloo talanoa mai ai ia Maria le tina o Iesu. Ole talitonuga Isalama na faatoa aliae ile taimi o Aperaamo e lē oni Kerisiano o tagata Mosalemi ua faamatuu (submit) atu o latou tagata ile Atua.
E talitonu le taitai o Mosalemi i Samoa, o Kerisiano lelei, e mulimulitai i tulafono ma faamatuu atu o latou tagata ile Atua. Ole faia ole finagalo ole Atua ole faamatuu atu lea e faia lona finagalo ma tausi i ana poloaiga.
Why did it show up at the east, because these people were waiting. E talitonu foi le Isalama e toe foi mai Iesu, auā o ia ole Keriso, na ia faavaea le talitonuga Kerisiano. Sa ia usitai ile Atua ma faamatuu atu lona tagata ile Atua, e faapena le Isalama ole tagata ua faamatuu atu o ia ma usitai ile Atua.
