Ole Hurstville Entertainment Centre i Sini na faatino ai mo le taimi muamua le faamoemoe muamua ole taumafaiga ale Vaega o Aganuu ale Pasefika (Pacific Cultural Center) i la latou Tala e ala i Siva Pasefika ma musika ‘Tala Matavai’.
O lenei faaaliga o se taimi muamua lea ua aofia ai talatuu mai Niu Sila i tagata Maori, Fiti, Atu Kuki, Tonga, Hawaii ma Samoa.
Ole ‘Tala Matavai’ e faaautu i Sini ma e aofia ai faigata ole soifuaga i aso nei ose alii talavou ia Tinirau. Ole tina o lona tina ia Matavai o lona fesoasoani lea e ala ile faamatalaina atu ma faasoa ia te ia i lona faasinomaga ma lona tupuaga.
E mataina le faaaogāina o siva faapasefika ma laei anamua e toe faafoi ai le silasila ale aumaimoa i tausaga o pulega faakolone ma ona tua atu lea e autu ia Tinirau ma Matavai oloo faatino ele tina ia Ana Tuigamala mai Niu Sila, e iloa tele i ata tifaga ole Sione’s Wedding, Outrages Fortune (2005) Harry 2013.
Ole faletua ia Maryjane McKibbin Schwenke sa tusia le Tala ma ole alii Samoa ia Andrew Faleatua (Three Wise Cousins) na taina pese ole faamoemoe.
E tusa ma le 100 tagata sa faatinoina Siva, Musika ma Tala e pei ona Faafiafiaina ai le mamalu na maimoaina.
