O le faamalositino o loo faagasolo pea i lea aai, e vaaia lava le faafiafiaina o nisi auā na tulimatai i le seleni e manumalo ai pe a tele kilo e lusi.
O le igoa o lea polokalame o le “Biggest loser” sa faataunuuina i le Aso Toonai, 22 o Iuni. O le alii o Pio Pio na ia mauaina le $700 ina ua lusi ona kilo e 26 mai le 126 pa‘ū i lalo i le 100. O le tamaitai o le aualuma ia Litia Pio na ia mauaina le $170 ina ua lusi ona kilo e 8 mai le 128 pa‘ū i lalo i le 120.
O le tulaga tolu na mauaina e Marlene, Rowner ma Setitara Lawrenson na lusi kilo ta‘i 5 ma maua latou ta‘i $70.
O le isi tulaga lelei e luitau ai le aukoleni, auā afai e uma le vaiaso e lei lusi ni kilo, e totogi lau sala e $50, o lona uiga la e leai se isi e faatamala ina ia aua ne‘i toe maimau se $50.
Ia malo lava le faamalolosi i le aukoleni a le biggest loser, ae toe taumafai atili ia sili atu i le 30 kilo lusi ona seki loa lea o le mea atoa.
