Ua le asa lava se masina ma faamanuiaga o loo tufitaufao ai tagata Pasifika i totonu o Aukilani, ua le gata i tagata Tonga ma Fiti ao tagata Samoa foi latou, o loo faaaogaina tautua a nisi o tamalii o le atunuu e ala lea i fale taavale e faatau a latou sa e feoai ai.
O le aso toanai ua mavae na toe pepese fiafia ai foi i latou ua maua faamanuiaga i seleni i le sei a le kamupani o le G Mana i Otahuhu ma Papatoetoe, i faailoga e 10 tai $500.00 ma le faailoga muamua e $5000.00.
Na tatala aloaia lea polokalame i le tatalo na saunia e le afioga ia Patele Tuala Talipope ona sosoo lea ma le taumafataga ma faafiafiaga, e pei ona faafiafia ai le au siva a le La o Samoa ma le autalavou mai Onehunga. O nisi o susuga i faafeagaiga mai Tonga faapea le Miss Samoa NZ ia Christina Taefu sa auai i le molimauina o lea faamoemoe a le afioga i le alii pule ia Galumalemana Tai Galumalaemana faapea le aufaigaluega i Otahuhu ma Papatoetoe.
O le maualuga ma le matagofie o le aso o le faatasi mai ai o le afioga suiao o le malo o Samoa ia Tuimalealiifano Vaaletoa Sualauvi 11 faapea ma lana masiofo ia Faamausili Leinafo Tuimalealiifano, aemaise o le sui faipule o le itumalo o Magele le tofa ia Su’a William Sio.
O le afioga ia Peseta Savea Al Hariton Lavea sa fai ma fofoga o le aso, faatasi ai ma musika malie o le G Mana Band, ae laualuga ai le taumafataga na saunia e le aufaigaluega.
O le tofa ia Su’a William Sio sa fai ma sui o le mamalu o le atunuu e faaleoina le lagona faafetai i le alii pule ma le aufaigaluega e tusa ai ma lona manatu ma le alofa i ona tagata, ma ua ia iloa foi le tautua matavela a le afioga ia Galumalaemana ma lana kamupani mo tagata Pasefika.
E 10 faailoga na fuafuaina e le alii pule mo lenei faamoemoe, ae ina ua toe liuliu le tofa ma le faautaga i le pule ma le aufaigaluega, ma toe faaopopo ai le isi $500 mo faailoga e 10, faatasi ai ma le $5000 o le faailoga muamua.
O le Miss Samoa NZ na ia faatautaia le se’i ma sa faasalalau tuusao i luga o le radiosamoa i le polokalame a Savea ma le Tanoa ava I le aso toanai.
Faailoga $500
Heta Enele
Iveni Mosese
Atonio Nonu
Manusi Taupaki
Epalahame Haupeaku
Mikaele Tevaga
Maika Uhatafe
Engran TIIA
Branden Stevenson
Kitiona Reupoamo
Samuela Taufalele (Extra Draw)
$5000 – na suipi ai le sui mai Tonga ia Mele Vake.
E tumau pea lou alofa I tagata Pasefika (Hendeson Cars)
Ua maoae foi le tautua a le Hendeson Cars i le mamalu o le atunuu, ma ua toatele foi tagata Samoa ua faaaogaina e faatau ai taavale, ua faapena foi i tagata mai Tonga, o le masina o Setema sa faia ai lenei faapitoa a le susuga ia Shiu mo i latou sa faaaogaina lana kamupani e faatau ai a latou sa.
E 8 faailoga tupe tai $500, 1 le faailoga $1000 ma le faailoga muamua $5000, o le aso toanai na tumutumu ai foi Takanini i lea auaunaga i le mamalu o le atunuu e molimauina lea se’i faapitoa, e silia i le 30 i latou sa faatauina taavale i le masina o Setema sa fai agai iai le faigameaalofa.
Na tatala i le bbq ma le paumu i le taeao, faatasi ai ma musika tu’itu’i a le susuga ia Seumanu sa salani ai le malu taeao ma le taumafataga i le aoauli.
O le vaaiga sili sa iai i lea aso o le manaia o le tau sa faataunuuina ai le polokalame, aemaise ai o le tumutumu atu o le atunuu e faatau taavale ae lei amataina le faamoemoe.
O le susuga ia Tofiga Fepuleai na ia fofogaina suafa o le atunuu ao le aoao ia Tavai Meni na faasalalau tuusao i luga o le radiosamoa suafa o i latou sa faamanuiaina.
Faailoga $ 500
Ruth Lomi
Puluvaga ma Juliet Ali
Phillipa ma Tupu Ivaha
Talanivalu Meleisea
Lepaka Fakaoslula
Silivaai Tamale
Talaitonga & Ituau Paila
Lui Laumatia & Malaeliua
Faailoga $1000 – Aukusitino Matilalefoafoa
Faailoga $5000 – Patrick Vea
