O le tamaitai lalelei o Mary Caroline Malaesala, lona lima mai i le itu taumatau, sosoo atu ai ma si ona tuaa o Iulia Malesala, le tamaitai o Josie Baretto, o lona aunty o Maria Iuta ma le tina ia Telesia Alesana i le po fiafia o le atoaga o lona 21 tausaga.
O le mitamitaga sili i loto aemaise o le faafetai ma le agaga vivii atu i le Atua, ina ua faataunuuina foi le faamoemoe o le tamaitai o Mary Caroline Malesala, e ala i se mafutaga fiafia ma le matagofie sa faia i le po o le Aso Faraile, lea na faamanatuina ai le 21 tausaga o lona soifua.
Na faatumulia le faleaiga o le Quality Hotel Barrycourt i Parnell i nai ana uo na valaauina e molimauina lea faamoemoe lelei, aemaise foi o nai ona aiga i le lagolago malosi mo le faatinoina ma le faataunuuina o lona aso fiafia. Ia o moomooga alofa ma faamanuiaga mo oe Mary Caroline ina ua taitaiina mai lou soifua e le alofa lē faatuaoia o le Atua, ua e aulia manuia mai ai le 21 lenei o tausaga o lou olaga.
Ia e maua le lototele e tauivi ai fita ma faigata o lenei olaga, ae ia faasilisili ona e maua le malosi e faataunuuina ai soo se valaauina ma soo se faamanuiaga mo oe mai le Atua. Manuia foi au fuafuaga uma mo le lumanai.
Alofaaga mo oe mai lou tina peleina, Iulia Malaesala ma lou tuagane, o ou aunties ma uncles uma, o nai ou tausoga uma aemaise o nai ou mātua matutua i Samoa.
