I le mae‘a ai o le faigapalota na feagai ai ma le setete o Vitoria aemaise o le aai o Melepone, ua tulai mai ai le faigamalo fou a le Leipa (Labor) o se faigapalota ese lenei le maitauina o le toatele o le paia ma le mamalu o nai o tatou tagata o fesoasoani ma galulue ai.
E pei ona sa lipotia i la tatou auaunaga i nai vaiaso ua tuanai le faalauiloa o se uluai tamalii Samoa ua tamoe ma tauva, ae ua fesootai mai foi nisi o tamalii ma tina ma faailoa lo latou galulue malosi e fesoasoani i faatosina i lena vaiaso atoa, aemaise foi o galuega fitaituga sa feagai ai i le Aso Toonai atoa sa faataunuuina ai le faigapalota.
E mafuli le lagolago a le toatele i le Leipa, e iai foi nisi na finau mo se isi paeaiga a le coalition sa tulai mai i le tofi, ae o nisi foi na ave la latou faatuatuaga i nisi o vaega faaupufai fou. Poo fea lava sa fesoasoani ai, o le vaega tāua o le manumalo o lata sui sa lagolago.
E ui la ina ua lē tau lau o le faamoemoe o le tamalii Samoa sa tauva, ae o upu o le tusi e toe oso foi le la. O le itu tāua ua amatamea ma ua ta‘u ai le igoa faapelepele o si ona atunuu, ma e talitonu le faamoemoe o ata ia o taulelei mo le lumanai pe a umi lona soifua ma so tatou malosi. O nisi o tamalii Samoa sa fesoasoani ma lagolagosua i sui tauva a o latou itumalo, ua faaalia lo latou faafiafiaina ona ua talileleia la latou tautua.
O le itu matagofie ua amata ofi nai o tatou tagata i le galueaina o faatosina ma faaali le tomai e lagolago ai, e aogā mo a taeao.
