O le po o le Aso Toonai aso 8 o Fepuari, na faafiafia ai i le Acacia Ridge Hotel le afioga ia Nanai Peteli ua lauiloa i le Nanai Brothers ma le alii o Zipso e pei ona lauiloa ai.
Toatele foi nisi o le atunuu na lolofi atu i le fia faafofoga i le mālie o fatuga a nei alo pepese o le atunuu. O le fofoga o le po ole tofa ia Faalavelave Frank Frost ua lauiloa ia Master Faalavelave ma le Taekwondo.
Na auai le mamalu o le atunuu faapea le afioga i le aloali ia Galumalemana Tagaloa Naea ma Apu Timoteo o le Enchiro Laei ma Containers faapea Mika ma Diane Nansen o le Screen Printing, o i latou ia sa lagolagoina le faamoemoe i Brisbane.
Tele foi le agalelei o le afioga ia Nanai Fuifui Anae ma Alofa i Melepone i le aumalaga e pei ona tomua i ai le la CD lona ono i le M&M Tree Services.
