Ua sauni atu nei le susuga ia Alex Elise Faatau‘i Leapai mai Laulii e fetaui ma le alii mai Amerika o Darnell Wilson e pei ona ia fia luiina ai le fusi o le Heavyweight o loo umia e Alex Leapai.
O le siamupini o Ausetalia o loo auauai mai i ai nisi o tama mai Amerika peitai e fia fao i lana fusi, peitai e tumau pea le malosi o lenei alii e taofi lana fusi. O le taimi nei ua i laufanua o Brisbane si ona tuaa ia Faatau‘i Leapai na malaga mamao mai Laulii Samoa ona o le tapuaiga o lana fusuaga.
Talosaga atu i le mamalu o si o tatou atunuu ina ia nofo tatalo mai mo taaloga faitaulia a Alex lea o le a faataunuuina i le Aso Toonai a sau nei, aso 4 o Tesema. Ua faamauina le tulai mai o lenei alii i le 23 manumalo, 21 knockouts, 3 faiaina ma le 3 tutusa.
O le susuga ia Alex Leapai o se alii sogasogā ma le finau ina ia avea pea o ia ma numera tasi i Ausetalia i le Heavyweight. Tatou tālia ia le alo faiva o le susuga ia Alex Leapai i le Aso Toonai a sau nei, aso 4 o Tesema ina ia tumau pea lana fusi e pei ona ia taalo ai e puipui mai le alii o Darnell Wilson. O ou māmā na Alex!
