O le maualuga o le faatinoga o tiute o leoleo i Samoa i le puipuiga malu o le au atoa a le Olopeleki a Niu Sila sa malaga mai i le taaloga faitaulia muamua ma le Manu Samoa lea sa faia ia Iulai, ua foai atu ai e le Pulega ma le au atoa a le Olopeleki se ofu poo le jersey i le matagaluega o leoleo e fai ma pine faamau o lea galuega lelei.
O le alii leoleo Niu Sila o loo galue nei mo galuega tau fesootaiga i le va ma matagaluega o leoleo i le Pasefika o Don Allan sa avea ma sui o le Olopeleki e tauaao lea jersey i le Komesina o Leoleo le susuga Egon Keil.
Faaalia e le alii Komesina o se meaalofa sili lea ona tāua ia te ia ma le matagaluega ona o le Olopeleki o le aulakapi numera tasi i le lalolagi.
