Ole tupu male ola ole Aoga faale-Tusi Paia ua igoa ole Agape Bible College i Brisbane, ose faamanuiaga lea ile toatele o i latou sa a‘otauina ai lo latou soifua faaleagaga aemaise i latou oloo aooga pea auā oloo faatuputupulaia lava le aofai o i latou oloo resitalaina suafa ile aoga ma tapue ai lo latou soifua faaleagaga e ala lea ile suesueina pea o Afioga Paia ale Atua.
“O Tusi Paia uma lava e mai le Agaga ole Atua ia, e aoga foi e a‘oa‘o ai, e faatonu ai, e faapoto ai foi ile amiotonu, ina ia atoatoa ona lelei ai ole tagata ole Atua, ia saunia lava ia i galuega lelei uma lava.” (2 Timoteo 3:16-17)
Ole Aso Toonai na tea nei na atofaina e faauu ai nisi o i latou ma tauaaoina ai foi faailoga taualoa i totonu ole aoga ale Ia Malamalamala Bible Agape College i Brisbane. E tolu aoga na tuufaatasi i lea faauuga ile Aso Toonai e aofia ai Logan City, Sumner Park ma Deception Bay.
E ova atu ile onoselau i latou o aiga ma uo ole aufaauu sa molimauina taumafaiga o nai o latou aiga e lē gata o latou mātua, o alo foi ma fanau faapea foi susuga i faafeagaiga ma faletua.
Na mamalu lenei aso taupoina auā sa auai mai le susuga ile Pule Sili ole aoga ile lalolagi atoa, Dr Benjamin Williams, faapea foi nisi o i latou sa fai sao ile polokalame ole aso faapitoa e aofia ai Rev Leaena Fialelei ole Peresetene I.M.A.B.C. – SYDNEY, Rev Charles Reed ole Peresetene I.M.A.B.C.
AUCKLAND, Rev Fiaola Iosua Lole (International Tutor). E lē gata i lea ole susuga ia Ps Faavae Avia, Rev Maiava Ulia, Rev Peria male Team ma nisi.
Ole Peresetene ole Aoga Ia Malamalama Agape Bible College a Logan City: Fereti Purcell; Sui Peresetene: Poulava Sam Agagi P. Matautia (o ia foi sa fai ma fofoga ole aso); Failautusi: Iosefa Collins; Teutupe: Magele Talavou Poas. Ole Aoga ile aai o Sumner Park oloo vaaia ele susuga ia Walter ma Mavis Yahnke ae ole Aoga i Deception Bay oloo faatautaia e Ps Lio Toluono Tuumatavai Musu. Ole susuga ia Sola na ia faaleoina ma tauaao ni meaalofa auā le paia i auauna ale Atua ae tainane se agaga faafetai ile auvalaaulia.
O i latou uma na maua:
Certificate of Completion: (1) Afioga Musu; (2) Avei Latitude Rose; (3) Bob Tautalaiga; (4) Ps Faimoa Fualau Vili; (5) Magumagu Nati; (6) Saipeti Leai Savaiinaea; (7) Togia Mika Siu; (8) Tuivaoitai Siu; (9) Asenati Saunimaa; (10) Ulisese Vine.
Associate of Arts Degree in Theology: (1) Ps Avii Leai Savaiinaea; (2) Bessie Hytongue; (3) Belinda Misa; (4) Christian Ball; (5) Eleanor Misa; (6) Faga Mafoe; (7) Ps. Faiumu F Faapito; (8) Ps. Faletoese Toilalo; (9) Hetta Duffy; (10) Kirisipi Sola Tavete; (11) Ps. Kirisimasi Hytongue; (12) Ps Lio Toluono Tuumatavai Musu; (13) Ps. Litisone Ah Sam; (14) Lona Matautia; (15) Lupematasila Taamaletoa; (16) Nofoa Loia; (17) Royal Filimaea Faueā; (18) Sanelivi Uelese; (19) Ps Suliveta Maugatai; (20) Telesia Taamaletoa; (21) Tinylee Letisha Puletasi; (22) Vena Joseph Collins; (23) Viliamu Liu.
Bachelor of Arts Degree in Theology: (1) Aiga Ai‘i; (2) Faamoana Tupuola; (3) Kaisami Moresi.
Malo le tauivi male finafinau e sailiili Afioga Paia ale Atua!
