O le alaga o le fiafia ma le viiga o le faamanū i le Atua ona o lana tausiga ma lona alofa tunoa ua maua ai e oe le tina nei tausaga e tele ua e soifua mai ai.
O au galuega lelei e lē mafai ona tineia ma galo i o matou loto, o lea matou te pepese ai pea le pese a le faisalamo o Tavita, ‘Lou agaga e, ia faamanu atu ia i a Ieova o mea uma foi oi totonu ia te au ia faamanu atu i lona suafa Paia, aua foi nei galo se mea e tasi o ana meaalofa.’
Tina o le matou tatalo ia toe faaopoopo e le Atua nisi tausaga ma nisi aso mo oe auā ou tiute ma au galuega o loo e galue ai i totonu o le tatou aiga aemaise o lau Ekalesia.
O alofaaga ma faamanuiaga mai ia Tuala Asa ma le aiga, o le fesoasoani ia Muliagatele Fuiono Fala ma le faletua ia Sofia ma le fanau, Vaasili Vito ma le faletua ia Tefa ma le fanau, Paulo Matafeo ma le fanau.
O faamanuiaga mai ou aiga uma i Samoa, Ausetalia ma Niu Sila nei, ae sili ai alofaaga mai lou tuaa i Samoa ia Akenese Melesete Matafeo, Malagamalii Alefosio, faapea lau fanau pele ia Katalina, Penina, Semi, Amasone ma Lui. Ia manuia lou aso soifua.
