“Faafetai le Atua mo lo’u 21 ua aulia.” O upu tomua ia a le tamaitai o Anchiemona i lana tautalaga i le faailogaina o lona 21 tausaga, i le Aso Toonai ua tuanai. O Anchiemona o le ‘afa Tonga, ‘afa Samoa.
O lona tina o Sosefina mai Vain’i Tonga ma lona tamā o Patolo Victor Latu o Fogapoa.
Na taitaia e Rev Sione Pinomi le sauniga puupuu, a o lei alo atu le auvalaaulia i le taumafataga tele, ma polokalame faasolo o le aso tāua. O le tamā o le tamaitai na foaina le ki i lona alo tamaitai.
Na maligi loimata o le tamaitai ma faafetai i ona mātua, ma toe faapea mai ia i laua, “ou te toe faafoi atu la’u ki lua te teuina, ona e lē mafai lava ona ou manao e tuufau lo’u olaga. Lua te taofia pea le ki lenei mo a’u.”
Ia manuia lou aso fanau Mona, mai lou grandma o Galumalemana Netina Schmidt, ma ou uncles o Kosimiki, George ma Faainu, ma ou aiga i Samoa.
Alofaaga foi o ou mātua, uso o Netina, Lisia, Tala, Tolini, o ou tuagane o Kosi, Nathan, Sepi ma Mesi.
