E ese faalogona na oo i ai mātua ina ua faataunuuina le laugatogi a le fanau o loo aotauina i le aoga o le Pacific Advance i Otahuhu; ua lē gata i le faafiafiaina i tulaga ua maua ae ua tele le suiga ua oo i ai le olaga talavou.
Ma ua avea o se oso lelei mo aiga ma mātua i le faaiuga o le tausaga aemaise o le ulufale atu i le tausaga fou.
O le afiafi o le Aso Tofi talu ai na faataunuuina ai lea faamoemoe i le faleaiga o le Manhattan ma sa tumutumu ai mātua ma aiga e molimau le matagofie o le Atua e ala i ana galuega mamana ua faigofie ai le olaga fou mo fanau. Ua lē gata i tagata Samoa ae ua faapea foi i aiga Tonga ma Rarotonga.
Na maualuga ma mamalu polokalame o le po ina ua auai atu i ai sui vaaia o le Atua e molimauina lea faamoemoe, auā e iai nisi o faafeagaiga o loo iai foi o latou alo i totonu o le Ekalesia o loo aotauina ai i lea aoga.
E ese le matagofie o le faaaogāina o fanau, auā o le polokalame atoa sa faasoasoa uma e tamaiti aoga. O pesega faaleagaga na maitauina ai e mātua le fetagisi o fanau ma vivii i le Atua auā o le tasi lea vaega o loo malosi ai le aoaoina e faiaoga i totonu o le potu aoga.
Na sosoo ma le taumafataga na gaseseina e le faleaiga o le Manhattan ma faagasolo ai loa le tolaulauina o faailoga mo fanau. E tele ni vaega na ausia ma agai i ai le lauina o togi, ma o susuga i faafeagaiga sa latou tauaaoina ia meaalofa mo i latou ua lautogia i le Vasega 11.
Vaega 1 – Tu Tagata Awards:
Most Improve Teine – Christina Leusogi
Most Improve Tama – Asaeli Pineki
Tu Tagata Teine – Margaret Vitale
Tu Tagata Tama – George Siaosi
Vaega 2 – Faapasifika Awards:
Most Improve Teine – Faatonu Time
Most Improve Tama – Ofa Fangupo
Faapasifika Teine – Margaret Vitale
Faapaefika Tama – Tevita Talakai
Vaega 3 – Leadership Awards:
Leadership Teine – Margaret Vitale
Leadership Tama – Tasele Magalei
Overall Academic Axellence Awards:
Most Improve Teine – Cassey Kake
Most Improve Tama – Joshua Pelo
Overall Academic Excellence Teine:
Runner Up – Peirangi Tangaroa
Winner – Frances Vaauli
Overall Academic Tama:
Runner-Up – Tasele Magalei
Winner – Jerome McCormick
All Round Excellence Awards:
Teine – Margaret Vitale
Tama – Enoch.
Na mae‘a le tufatufaina o faailoga ona saunoa lea o le susuga ia Laauli Michael Jones e momoli le agaga faafetai i mātua ma aiga e tusa ai ma le lagolagosua i galuega faatino i totonu o le aoga.
E faapena foi se lagona na fofoga i ai le pule aoga ia Falefatu Enari i lona loto fiafia i le siitia o le olaga finau ma le suia o olaga o fanau.
Na faaiu i le toe uulima faatasi o faiaoga ma tamaiti aoga faapea foi mātua ae siitia le taulaga viiga i le Atua ona ua faaiuina ma le manuia le polokalame o le po.
O le Pacific Advance e toafā faiaoga o loo feagai ma le aoaoina o mataupu, o le susuga ia Daniel Lafaialii o loo aoaoina le English, o Tammy Thompson o le PE, o Peter Ravela o le Science ma Albert Poleki o loo aoaoina le Maths. O Coach o loo iai le susuga ia Tofa Ramanlal, Mark Howe, Ashleigh Holmes ma Sarah Tahere. O le pule aoga o le susuga ia Falefatu Enari ma le faletua ia Parehuia Enari ma o mātua foi ia o fanau aoga.
E amata le aoga i le lotu i le taeao ma e auai uma lava faiaoga ma tamaiti, e fesuisuiai foi fanau i le taitaiina o lotu i aso taitasi.
Ma o le suiga tele lea ua maua e fanau ua mafai ona taitai le lotu e oo foi i faiaoga ua iai se lesona ua pue ma afifi mai i totonu o lenei lotoifale.
Auā o le aoaoga, e o faatasi le aoaoina o le ola faaleagaga ma le poto salalau. O nisi o fanau na o atu i le aoga e lē o i ni lotu ae ua avea le Pacific Advance ma ana aoaoga ua mafai ai ona maua se mafutaga vavalalata ma le Atua.
