Na momoli atu ma loimata o le faafetai e si ana ulumatua le susuga ia Loli Mafutaga Timoteo, le ki o le 80 tausaga o le soifua o si ona tina ia Mamaioa Timoteo, a o silamiō le aufaigaluega totofi a le Atua, aiga ma Samoa na afifio atu i le faamanatuina o lona aso soifua.
O le finagalo foi lea o le susuga ia Sua Faavae na malaga mamao mai laufanua o Samoa mo le aso, a o ia fofogaina le molimau mo le soifua o le tina matua.
O se tina tautua Ekalesia, loto alofa, ma tumu i taleni ma meaalofa eseese mai le Atua, na faamaonia lea ina ua saasaa faa-Samoa le tina, o ona laufofoga fiafia na molimauina ai lona malosi faafouina mai le Atua.
Na toe saunoa le susuga a Loli e faafetaia le mamalu o Samoa ina ua mae‘a le taumafataga tele na ma‘au i ai le aigaalii.
O alofaaga e afe ma afe mo oe le tina peleina mai nai ou alo ma a latou fanau, o ou aiga ma uo faapelepeleina, aemaise o lau Ekalesia pele. Finagalo alofa le Atua ma toe foai nisi tausaga se tele o lou soifua.
