Ua faamanuiaina nei le alii o Richie Asiata e pei ona pikiina mai i le au a aoga i le Under 18 ua tau lau o ona manaoga ma ua faamanuiaina i le malaga mo NZ i le masina o Setema. O Richie o ona tamā o Tavu‘i K Asiata mai Satupaitea ma Saleaumua a o lona tina o Vaeluaga Laeli Lealamisa mai Fasitoo-uta.
Sa toe filifilia foi mai le National Champion lea sa faia i Sini i le aso 30 o Iuni e oo atu i le aso 5 o Iulai. O le faanaunauga o le susuga ia Richie e fia taalo mo lona atunuu, e fia tamoe foi o ia o se tama taalo a le Wallabie.
O se fiafiaga tele lea i si ona aiga ona ua ia laasia lea foi vaega o lona olaga taalo e pei o le selau pasene o le latou lagolago mo ia. O lona olaga atoa sa taalo liki ae faatoa 3 tausaga talu ona taalo i le Iuni.
Na ta‘u e Richie e manao e faia se mea sili e faafiafiaina ai ona mātua e ui lava e talitonu lona loto i le alu alu i luma o lona taumafai ua avea ma mitamitaga i nai ona mātua peitai e fiafia lava o ia e auauna mo laua a o maua le ola ma le malosi ma tuuina se fua o ana galuega mo laua. “E leai se mea e faigata i le Atua,” o le saunoaga lea a Richie.
