Ua mae’a taaloga e tolu a Samoa ile U16s Oceania Football a Tamaitai oloo fai i Apia. E tasi le manumalo a Samoa ae lua ana faia’ina. Ole uluai taaloga na feiloai ai ma New Caledonia ile Aso Toonai ua mavae nei. Ole uluai taaloga foi lena ole taamilosaga. Na faia’ina Samoa ile taaloga lea 0-6 a New Caledonia.
Ole taaloga sosoo ai feiloai ai Samoa ma Tahiti. O ‘au ia e lua oloo nonofo faatasi ile faletalimalo ole Tanoa Tusitala Hotel i Sogi faatasi ai ma Niu Sila (NZ) auā ei le Vaega A. Ae na maumalo ai Samoa ile taaloga lea i ‘ai e 4-0.
Ona sosoo ai lea ma le taaloga tāua a Samoa ma Niu Sila e sue ai le ‘au e alu i luga ile Semi-Final. E fai lava si faigata ole ‘au a Niu Sila auā ole ‘au e pito sili lea ona malosi ole taamilosaga. E uma ane le taaloga, e 8 ‘ai o Niu Sila ile leai a Samoa. Ua see atu ai NZ ile Semi Final e taalo ai ma Cook Islands.
Ae se manu e tele atu sikoa a NZ pe ana seanoa le galuega a Meripa Seumanutafa na fai. O ia lea ole Goalkeeper a Samoa mae e tele sikoa a NZ na sefe e le tamaitai mai Papakura.
E ui ile malosi ole ‘au a NZ ae faatoa maua le latou sikoa muamua ile minute 36th ole taaloga auala ia Kelli Brown. E na’o le pau foi lea ole ‘ai ole ‘afa muamua.
Ae ole ‘afa lona lua na sosoo ai loa ma sikoa a NZ ile minute 56th ma le 58th ole taaloga. Ma alu ai lava faapena ile faaiuga ole taaloga. Ole tamaitai o Meripa, o ia lea na tu malosi e puipui le Neti a Samoa. E tele sikoa a Niu Sila e lei maua ona ole puipuimalu a Meripa.
O Meripa e taalo ile Liki a Franklin i Aukilani i Saute mo lana ‘au o Papakura City. Na fanau o ia i Samoa ona malaga ai lea i Niu Sila ma lona aiga ile 7 o ona tausaga.
Ole tausaga foi lea na amata taalo ai o Papapkura. A’o lea ua toe foi mai i Samoa e fesoasoani ile atinaeina ole taaloga a Tamaitai i totonu ole atunuu.
Ole faiaoga lagolago ole ‘au, Valerio Raccugli na fesoasoani tele ile malaga atu a Meripa i Samoa.
Ole talitonu a Raccugli, o Meripa ole tasi lea o Goal Keepers pito sili ona maoa’e ole taamilosaga ale U16’s.
E iai le manatu maualuga ole faiaoga ole a ausia e Meripa se tulaga maoa’e ile lalolagi ile taaloga ole Soka.
Ole talitonu foi lea o lana faiaoga i Papakura City, le alii o Liam Martin. Na ta’ua e Martin lona fiafia tele ina ua filifilia Meripa e taalo mo Samoa ile taamilosaga.
Pool Games a Samoa U16’s
Samoa 0-7 New Caledonia
Samoa 4-0 Tahiti
Samoa 0-8 Niu Sila
