Donald Trump

Donald Trump

Ua tofia e Donald Trump le alii o Mike Pence e avea ma ana sui tauva mo le sui Peresetene ile faigapalota a Amerika ile masina o Novema. O Mike Pence ole Kovana o le setete o Indiana.

O le mālie o lenei tofiga ona o le toatele o sui ale Republican Party na folafola e lē fia auai ia Donald Trump i lenei palota. Na taumate foi poo ai le “vale” o le a ioe ia Donald Trump e fai ma sui Peresetene.

E foliga e lei faigofie foi le ioe o Donald Trump e avea Mike Pence ma ana sui tauva. Ae o le filifiliga na fai faatasi male ioe o sui uma o lagolago ia Donald Trump.

O le tāua o lenei filifiliga, ose tasi o le a fesoasoani e toe tuufaatasi le Republican Party, lea ua malepe ia Donald Trump ma ana faiga.

Na fautuaina foi Trump e lona aiga ma le Pati, i latou oloo faatasi pea ma ia, o le filifiliga e lē ose tagata la te uo mamae, ae o se tasi e faamoemoeina e le Pati, e iai Mike Pence.

O le filifilia la o Mike Pence, ona o ia ose sui e faamoemoeina tele ele vaega Kerisiano ale Pati, ose tasi foi e lelei lona va ma le tele o sui o le Pati.

Comments

comments