O le ala ua faavaeina ai lenei mafutaga a susuga i faafeagaiga o nisi o ekalesia ia ina fesoasoani ma fetufaa‘i ai le aufaigaluega. E iai le fili i soo se galuega ae o le latou lava anavatau o le faamalolosi ma faamauaa filifili o le mafuta mai foi lea o le Agaga o le Atua.
O lenei mafutaga a faifeau e tatalo faatasi ma fefaamalosiai faatasi ina ia mauaa e tau le taua faaleagaga. Ua lima tausaga o lenei mafutaga, e lē faapitoa i se ekalesia auā o faifeau mai ekalesia eseese. E tai fā mafutaga e faia i le tausaga ma e ova atu i le tolusefulu faifeau e auai ma a latou ekalesia. O le susuga ia Ps Asafo Avia ma le susuga ia Ps Lale Ene Ulugia o nisi nei o faafeagaiga o loo faauluulu i ai le mafutaga. O le a faia le latou faatasiga tele i le aso 20 o Setema o le tausaga nei.
