Atonu o le tele o o tatou tagata o loo faitauina lenei tusitusiga, ua silafia le tatou talosaga aloaia (Petition) lea na ou saunia, ma faasalalau atu i le paia ma le mamalu o le tatou atunuu i Niu Sila nei faapea Ausetalia, faapea foi ma Amerika, e faitauina ma sainia pea finagalo e lagolagoina lenei Petition.

Ina ia Malamalama atili o tatou Tagata i Mea Sese ia ua ala ai ona fai le Petition e ave i le Malo o Samoa:

I luga o le tulafono a Samoa e tutusa aiā tatau a tagata uma lava, poo le ā lou tulaga, poo le ā lau galuega ma lou alalafaga. O le vaega tāua o tatou aiā tatau, o le iai lea o se tatou leo ae lei suiina ni tulafono, e aafia ai o tatou ola.

I luga o le Faavae o Samoa (Constitution) o loo faamuamua lava le suafa o le Atua

“In the Holy Name of God, the Almighty,the ever lovng …and the authority to be exercised by the people of Samoa within limits prescribed by His comandments is a sacred heritage…”

O loo faatāuaina i upu tomua o le Faavae (Constitution) o Samoa, le tiute o le malo o Samoa e i le faaaogāina o lona paoa, e ui i tagata tofia o le malo, e latou te oponi ma puipui ia mausali aiā tatau a tagata.

O loo faatāuaina i upu tomua o le Faavae (Constitution) o Samoa, le lē faia ma se faaauau le faaaogāina o le paoa o le malo, e ui i tagata o tofia latou te tauaveina tiute mo le malo o Samoa.

O loo faatāuaina i upu tomua o le Faavae (Constitution) o Samoa, e puipui ma faatāuaina aiā tatau a tagata Samoa uma.

Ua matuā soliina lava e le tulafono “Samoa Lawyers and Legal Practice Act 2014” le Constitution poo le Faavae o Samoa.

I lo‘u faitauina o lenei tulafono e ta‘ua, ua pei tatou nei o Samoa o loo nonofo i fafo, o ni tagata valelea, e lei aooga ma lē iloa o tatou aiā tatau i le tulafono.

Ua foliga mai, a e fia maua se loia i se mataupu i Samoa se‘i vaganā ua e oso i le vaalele e te alu i Samoa, i loia o loo nonofo mau i Samoa, ona feagai lea ma le tulafono.

O loia Samoa foi o alala i fafo o Samoa ma tautua o tatou tagata, ua lē tutusa a latou aiā tatau ma loia o loo nonofo mau i Samoa.

Afai o le loia e iai lo‘u tagata, o lenei o le a latalata i le 30 tausaga talu ona ou galue i fale faamasino tetele i Niu Sila, Ausetalia, Niue ma Samoa, ae o le tulafono lenei, ua fai mai, afai ou te lē nofo mau i Samoa e fai a‘u galauega loia, ae vaavaaia e se loia faatoa uma le aoga loia, o loo nofo mau i Samoa.

E matuā solia lava e lenei tulafono aiā tatau a tatou nei e nonofo i fafo. Ua soli e lenei tulafono aiā tatau a tagata e filifili se latou loia, latou te mananao ma faamoemoeina, e latou te faaaogāina.

“Everyone has a right to instruct a lawyer of their choice

E lautele nisi mataupu e lē fetaui ai le tulafono lenei, ua o lava Samoa fai, ae leai ma se manatu mai i tagata Samoa i fafo ia e avatu ai tupe o loo ola ai o tatou tagata i Samoa, ma mafai ai ona fai galuega a le malo.

O loo tele lava isi mataupu, e mafai ona tatou osofaia pe a manuia le tatou tutu faatasi, e tetee mea sese ia e fai mai ia tatou.

O le isi vaega e sili ona tatou faatāuaina i le lumanai o vaega tau fanua ma suafa, “Land and Titles Court” ma le tofiaina o latou tagata ia e faia faaiuga. E matuā tele naunau mataupu, ua tatau ona tatou mataala uma i ai.

O le ala lea ua ou saunia aloaia ai le Petition lea e faasalalau, e valaauina le tatou tutu faatasi e fai le mea sa‘o. Poo le talia mai poo le lē talia mai, ae lelei le iloa mai e tagata o loo nonofo mau i Samoa, e tāua ia i tatou a tatou aiā tatau.

O le ā tonu lava le Mafuaaga ua fai ai lenei Petition:

  • O lenei Petition, e lē o se talosaga e lelei ai na o se toatasi.
  • O lenei Petition, e lē o se talosaga e sue ai se lelei o lo‘u tagata.
  • O lenei Petition, o le sueina o se lelei lautele o tatou Samoa o loo aumau i fafo.
  • O lenei Petition, e tatou te tutu faatasi e faasa‘o se mataupu o loo afaina ai tatou i le taimi nei, ae atonu o le toatele o tatou e lē o malamalama pe lē o iloa foi nei tulafono, e nonofo lava tagata o loo nonofo mau i Samoa ma latou suia, ma pasia e le malo o Samoa, e aunoa ma se leo o tatou Samoa nei e nonofo i fafo.
  • O lenei Petition, a lē tu tu aai i tatou nei e nonofo i fafo e tetee atu i ni mea lē fetaui ua fai mai ia i tatou, e sau aso, e o atu ai a tatou fanau i Samoa, ua faasino i tuafale e aiga, nuu, ma i latou o loo faia tulafono a Samoa.

O le tatou Petition o loo talosaga, afai e te finagalo e lagolago ona faia lea o laasaga nei, e pei ona tusi atu i le tatou pepa lea e avatu e saini:

  • (Printed Name) Tusi lou suafa atoa
  • (Signature) Saini lau saini masani
  • (Address) Tusi lou tuatusi
  • (Comment) A e lagona e sa‘o le oponi o a tatou aiā tatau – na ona tusi lava se upu e te finagalo i ai. O se faataitaiga, e mafai ona e tusia se upu “Oponi matou aiā tatau”
  • (Date) Ona tusi lea o le aso na e sainia ai le tatou Petition.

O le Petition mo le tatou Manuia Lautele

Faafesootai mai pea i nisi mataupu e te lē o malamalama ai.

Comments

comments