O le ta‘ape mai o le Ekalesia Metotisi Samoa i le mae‘a ai o lana Koneferenisi tele na usuia i le vaiaso ua tuanai i Samoa, ua tofia ai nei lona Peresetene fou, le Susuga Rev Apineru Lafai.
O le po o le Aso Sa i le lauina o le tusi tofiga, lea e iloa ai suiga o nuu ma aulotu e agai i ai faafeagaiga o le ekalesia, na faalauiloa ai ma le tofiga lea o le Peresetene fou a le ekalesia ina ua malolo manumalo le susuga ia Aisoli Iuli lea sa iai le tofi i tausaga ua mavae.
O le tofia ai o le susuga Apineru Lafai e avea ma Peresetene o le Ekalesia Metotisi, o se faiga ua see atu ai tiute mo le atinaega o le ekalesia ia te ia, ma na ia ta‘ua ua ia sauni e taitai le ekalesia i ana fuafuaga ua mae‘a faataatitia.
E lei faateia le toatele o le ekalesia ina ua tulai mai Lafai e avea ma Peresetene, ona na filifilia o ia i le faigapalota mai le tausaga ua mavae ae na faaauau ona tofiga faafailautusi ona o lana faamatalaga, sa tāua ia te ia le vaavaai pea ma na manaomia se isi tausaga e faamautu ai lona see atu i le tofi Peresetene.
O le atinae o aoga aemaise le malae taalo mo tupulaga talavou ua na o ni atinae o loo lavea i lalo o fuafuaga e tele a le ekalesia. Na ta‘ua e Lafai, o le unai lava ina ia aoao fanau ma le talitonuga, o tupulaga aoaoina o se ekalesia manuia lea, e pei ona saunoa ai le susuga i le peresetene.
Na faatumulia le malae o le ekalesia Faleula na tolaulau ai le tusi tofiga ma fofogaina ai nuu ua tofia ai faifeau ua sui tulaga ia i latou ua malolo manumalo ma ua mae‘a le latou foi tautua faafaifeau.
Sa faauuina foi ni faifeau se to‘a 11 mo tofiga o faifeau faauuina auā le faaauau o le tala‘iga o le talalelei e ala i galuega tausinuu, ae faamavae atu i faafeagaiga ua faamalolo ona ua oo i tausaga e mae‘a ai lenei auaunaga ae tuu atu i isi faifeau e tauave tiute nei o le avea ma faafeagaiga o le Ekalesia.
