Matagaluega Ekalesia Metotisi Panmure

Matagaluega Ekalesia Metotisi Panmure

Ua silia nei ile sefulu tausaga talu ona faavae mai le ekalesiaMetotisi Samoa i Panmure, pei ona faatuina mai ile tausaga 2006.

Ao le tausaga 2007 faatoa maua ai loa le faifeaumuamua e tausia lea matagaluega ina ua mafai ona faaofi atu i totonu ole koneferenisi tele ale ekalesia Metotisi aoao i Samoa le aloaiaina o lea aulotu e fai ma le isi matagaluega faaopopoale Sinoti i Aukilani, ma o lea sa amataina ai loa lea galuega ele susuga ile faafeagaiga ia Rev Ielome Pio male faletua.

Ole suiga lona lua ole aufaigaluega ale Atua i lea lava aulotu na tofia mai ai loa le susuga ile faafeagaiga ia Rev KamuTagaolo ma le faletua ia Tausaga e tausia lea galuega seia oomai lava ile taimi nei.  E valu matafale galulue oloo iai, ma ua silasila mamao nei le susuga ile faafeagaiga ma le aulotu ise mea totino ale ekalesia poo se aseta e fai ma pine faamau o lea galuega.

Ole aso toonai na sailiili matagi ai loa le aulotu ise latou sailiga seleni e ala ile latou po siva lea sa faia ile hall ale ekalesia Metotisi i Otahuhu, e saili ai se tupe faavae e tiposi ai se fale ole matagaluega. Ole galulue faatasi ma le soosoo tau’au o tagata uma ua fai lea ma faamama avega ile susuga ile faafeagaiga ia Rev Kamu Tagaolo ma le ekalesia ile latoufaamoemoe ile aso Toonai, e pei ona maolimauina ai le auai uma o matagaluega taitasi o sinoti e lua i Aukilani, ae taulamua ai susuga i Sea o Sinoti nei e lua le susuga ia Rev Masunu Utumapu faapea Rev Oianatai Matale.

Ole tasi lea galuega lelei oloo militino pea i totonu o ia sinoti e lua, e ala lea i soo se galuega faatino i totonu ose aulotu poo se matagaluega, e galulue faatasi ai lava sinoti e lua e apogi se faamoemoe ina mama ai se avega. Ile faamoemoe ole aso toonai na tatala le polokalame ile sauniga lotu na taitaia ele sea ole Sinoti i Matu ia Rev Masunu Utumapu, ona tatala aloaia lea o faafiafiaga ole aso ele susugaile tausi matagaluega i Panmure ia Rev Kamu Tagaolo ma le faletua ia Tausaga. Faasolo ipu a matafale ole ekalesia i Panmure ona sosoo lea ma ipu a matagaluega taitasi mai sinoti e lua ae taualuga ai ile sea ole sinoti i Matu.  E lei tuuaia ai le tele ole valevale alofa a aiga ma uo sa auai, e ala lea ia latou siva

sa tauala atu i nisi o aiga lolotu.

E $37,900 le tupe sa maua ile sailiga seleni ale matagaluega i Panmure ile Aso Toonai, ma ua iai le faamoemoe ole aulotu o lea taoto loa ile faletupe le latou seleni lea, e talitali ai le tupe e $30,000 e tuuina mai ele ekalesia Metotisi aoao e fesoasoanii manaoga faapenei a aulotu.

Ole agaga faafetai ole susuga ile faafeagaiga ia Rev KamuTagaolo ma le ekalesia i Panmure ile Atua ona ole lima foaima le galulue faatasi ole aufaigaluega ale Atua faapea aulotutaitasi o sinoti e lua ua mafua ai ona maua lenei seleni tele, o lana faafetai foi i aiga uo ma e masani sa mafai ona agai atuma apogi le latou faamoemoe.

E ui ina itiiti lana aulotu ae mafaia mea uma ile faatasi mai ole Atua. Matafale Aulotu I Panmure.

Rev Kamu Tagaolo ma le faletua ia Tausaga

ma le aiga

Apulu Sefo (teu tupe) ma le tausi ia Nifo

Seuamuli Leota (failautusi) ma le faletua

ia Tauva Leota

Ofeira Fata

Lanu Mavaega ma Utuloa Mavaega

Telesia Tapuvae

Toetu Faamatuainu ma Pouono Faamatuainu

Keith Taala ma le aiga

Auvaa Fesolaai (tina matua).