E sili le toalua i lo le toatasi auā a pa‘ū le isi e toe faatulai i luga e le isi, na saunia foi e le Atua le fesoasoani mo le tamaloa. O le viiga i le Atua i mea aupitoaluga ona ua faataunuuina ma le fiafia le aso sa nofo tatalo i ai aiga na lua uo ma ē masani aemaise o le autatalo mo Isaraelu, o loo gaulue ai Pouniu Fereti Wilson ma Jennifer Wilson.
O se aso fiafia ma le matagofie ae ua faaalia ai foi le mamalu o le Atua a o tulai ai le susuga ia Ben Taala i le taitaiina o le sauniga faapea le faamalosi mo le aiga fou, ae lē gata i lea o aitema ma molimau sa fai lea ma avefeau mo i laua auā le savaliga o loo alu i totonu o le aiga.
O faamanuiaga ma alofaaga mo le aiga, ia faamuamua le Atua i mea uma, ma ia fua tele le niu, ia savavali faatasi ma le Atua ma le lotomaulalo, ma ia faia lana amiotonu. O alofaaga ma faamanuiaga mai lua aiga aemaise o alofaaga mai le autatalo mo Isaraelu.
