Ua mae’a taaloga ole vaiaso muamua ole Super IX ale SRU, ma ua maua ai au manumalo e tolu amata ole taamilosaga. Ae e lei faataunuuina le taaloga a Vikings ma le Eagles, o ‘au e lua a Savaii ina ua le atoa le au ale Vikings ma manumalo fua ai le Eagles.
Na manumalo ai le Chiefs a Aana ma Aiga ile Tai ile Legends a Aleipata, Anoamaa ma Atua i Saute.
Na talimalo le Legends ile latou malae i Saoluafata peitai na malosi tele le Chiefs ma manumalo ai i ai 26-17. Ole vaiaso fou ole a talimalo ai le Chiefs ile latou malae i Mulifanua e taaalo ma le Navigators.
Ile taaloga ale Navigators mai Safata ma Lefaga ma le ‘au malosi ole Southern Tornadoes a Siumu ma Falealili lea na manumalo ai le Tornadoes 37-22. Na faatamoe e ‘au uma ia e lua le polo ma maua ai sikoa ma ‘ai e tele ole taaloga, ole taaloga e sosoo ai ale Tornadoes e fetaui ai ma le Warriors.
Ole taimi muamua lea ole a malaga atu ai i Savaii se ‘au Super IX mai Upolu. Ae ole taaloga amata foi lea ale Warriors lea na malolo lelei ile Aso Toonai.
Ole taaloga ile va ole Eels a Vaimauga ma le Knights a Faleata.
Na maseesee tele le Eels ma sola ai ma le manumalo i ‘ai 59-19. Ole vaiaso fou ole a talimalo uma ‘au ia e lua, le Knights ile Legends ae feiloai le Eels ma le Eagles a Tuamasaga.
O Tuamasaga lea na manumalo fua ile Vikings a Savaii i Matu Sasae (Faasaleleaga, Itu-o-Tane ma Amoa) ina ua lē atoatoa le ‘au ale Vikings. Ole mea e lelei ai le Vikings, e malolo (Bye) le latou ‘au ile vaiaso nei, ae e ao ona tapena lelei mo lana taaloga ma le Warriors – ole uluai taaloga lea a Savaii, ole a fai ile Amoa Field. Ae ole tulaga mālie ole vaiaso muamua, o ‘au uma na manumalo ile Senior A, na faia’ina uma i taaloga muamua ale U20s.
E oo foi ile Vikings a Savaii Matu / Sasae na manumalo ile U20s ale Eagles a Tuamasaga. Ole Legends malo ile Chiefs 24-20, Vikings malo ile Eagles 33-6, Navigators malo ile Southern Tornadoes 9-6 ma le Knights malo ile Eels 27-23.
Super IX
Chiefs – Aana ma Aiga ile Tai
Eagles – Tuamasaga
Eels – Vaimauga
Knights – Faleata
Legends – Aleipata, Anoamaa, Atua i Saute
Navigators – Safata, Lefaga
Southern Tornadoes – Siumu, Falealili
Vikings – Faasaleleaga, Itu-o-Tane, Amoa
Warriors – Itu Asau, Salega, Palauli
Faaiuga o Taaloga ole Vaiaso muamua – Senior A
Chiefs 26 – 17 Legends
Southern Tornadoes 37 – 22 Navigators
Eels 59 – 19 Knights
Eagles manumalo fua vs faiaina fua Vikings
Bye Warriors
Faaiuga o Taaloga ole Vaiaso muamua – U20s
Chiefs 20 – 24 Legends
Southern Tornadoes 6 – 9 Navigators
Eels 23 – 27 Knights
Eagles 6 vs 33 Vikings
Bye Warriors
Vaiaso Fou, 29 Iulai
Knights vs Legends, ACP Marist Stadium
Warriors vs Southern Tornadoes, Palauli Field
Chiefs vs Navigators, Mulifanua Field
Eels vs Eagles, Apia Park
Vikings Bye
