Laveai foi e Tim Cahill Ausetalia

O le manumalo mataina a le Socceroos ia Kuwait 4-1 na amata mai ina ua sikoa Tim Cahill ma tutusa ai le taaloga i le tusa ma le ‘afa itula talu ona amata. Na lē pisa le tapauaiga a Ausetalia i le malae soka a le Rectangular i Melepone ina ua sikoa Kuwait i le minute lona valu o le taaloga mai ia Hussain Fadel ma sili ai Kuwait 1-0.
O le minute 33 o le taaloga na kolosi atu ai loa le polo i totonu o le pusa ma faalava mai e Tim Cahill le polo ma sao atu i le upega a Kuwait e taitasi ai sikoa o le taaloga. Na lē nofonofo lelei le tapuaiga a Ausetalia ina ua sikoa le alo o Samoa ma amata lifi ai foi ma le ‘au atoa.
Na taliu atu i le ‘afa lona lua ma e na o le fā minute talu ona amata le taaloga ae faapea ona taufao e Cahill ma lana soatau ia Massimo Luongo le polo na kolosi mai e la latou uigi agavale ma ulu ai loa e Luongo le polo i totonu o le neti mo le sikoa lona lua a Ausetalia.
O le isi sikoa lona tolu na maua i se sala i totonu o le pusa na faatini e le kapeteni ia Mile Jedinak mo ‘ai e 3-1. Na amata vaaia i le taimi lea le mafanafana o le taalo a le Socceroos ma faia ai ma nisi suiga e pei o Juric na sui mo Cahill ae na sui atu foi Burns mo Kruse.
Na taualuga le taaloga muamua o le Taamilosaga a le Ipu o Asia i le sikoa mulimuli a James Troisi i toe minute o le taaloga mo ‘ai faaiu 4-1 ma ua see atu ai nei le Socceroos i le pito i luga o le Pool A lea e aofia ai ma Oman, Korea i Saute ma Kuwait.
Australia (4-3-3): Ryan; Franjic, Sainsbury, Spiranovic, Behich; Luongo (Bresciano 84), Jedinak, Troisi; Leckie, Cahill (Juric 95), Kruse (Burns 72)
Sui Faaleoleo: Davidson, Milligan, Herd, Oar, Mitch Langerak, McKay, Galekovic, Antonis, Wilkinson
Sikoa: Cahill 33, Luongo 44, Jedinak 62, Troisi 90+2
Kuwait (4-1-4-1): Youssef Al Hajeri, Fadhel (Al Matoug 57), Sultan Al Enzi, AL Qahtani (Al Mutawa 74); Al Maqseed; Al Sheikh, Al Ebrahim, Al Enzi (Naser 64), Zayed; Mashaan.
Sui Faaleoleo: Al Rashidi, Al Fadhel, Al Buraiki, Al Amer, Faisal Al Enzi, Ebrahim, Al Shammari, Abdulghaffour.
Sikoa: Fadhel
Faasala: Fad