Tausaga 4 Faauu ile Bachelor of Theology

Tausaga 4 Faauu ile Bachelor of Theology

Ua fitu tausaga le matua ole aoga ale Ia Malamalama Agape Bible College i Niu Sila, e pei ona faavaeina mai ile masina o Fepuari ile tausaga e 2010. E tasi le vasega na tau amatamata mai ai le aoga ile auaooga e silia ile selau, ile sailia ole faailoga ole AA poo le Associates of Arts in Theology. Ole tausaga 2011 ole faauuga muamua lea sa gafa ma le aoga, lea sa faauuina uma ai lava le auaooga nei. E lei faigofie le tausaga muamua ole aoga auā sa taumafai ma saili ile Atua ini auala e maua ai se fesoasoani auā le atinaeina ole aoga mo le alualu i luma.

Ole tele o mea sa fai e tagi lava i lima, peitai ane o fesuiaiga ma le agai i luma ole aoga, e le ose poto ole tagata ae ole Atua ua afua ai nei mea uma e pei ona oo mai lava ile tausaga lenei oloo faaauau pea le aoga i ona tiute ma ana polokalame masani.

Ua toatele tagata ua fiafia ile aoga ma ua tele foi le suiga o vasega lea ua mafai ona toe faaopoopo. Ole tausaga muamua ua faavae ai le vasega amata, faasolo atu ai i luga ile vasega 4, ma ua tele foi faailoga lea ua mafai ona oo iai le taumafai ole auaooga ina ia falauaitele ai pea le silafia ile afioga ale Atua.

Saunoa le afioga ile fomai ia Rev Dr Benjamin Williams ole toatele ole auaooga nei, e le mai se ekalesia se tasi, e eseese uma lava ekalesia oloo auai i totonu ole aoga, ona ole naunautaiga ia mafai ona faasoo ma faalauaitele le malamalama o tagata ile upu ale Atua.

E moni ole Assembly of God na faavaeina mai le aoga, ae o lona talitonuga e le na’o le A.O.G e alu ai le tagata ile lagi, auā ua fetalai Iesu oloo iai foi isi au mamoe i isi lotoa.

Ole auaunaga la ale Ia Malamalama Agape Bible College, e tatala lava soo se ekalesia, auā e leai se tuaoi eleele, leai se tuaoi fanua, leai se tuaoi taimi e leai foi se tuaoi tagata ina ua tatala ele Atua le avanoa. Ta’ua foi ele fomai, ua sefulutolu lala ole aoga oloo iai nei i Ausetalia ma Niu Sila, ma ose vaaiga lelei lea mo i latou oloo faiaoga ma taitaiina le aoga ona ole lolofi atu ole mamalu ole atunuu e fia aoaoina le Tusi Paia. Ole aoga foi oloo tele lava ina faaaogāina le gagana Samoa ma le Faaperetania.

Ole susuga ile fomai ia Rev Dr Ieti Mageo oloo vaavaalua nei ma le susuga ia Dr Benjamin Williams ile vaaiga ole oaga. O Dr Ieti Mageo oloo faauluulu iai le aoga i Hawaii, Amerika ma Alaska, a’o Dr Benjamin Williams oloo faauluulu iai le aoga lenei i Niu Sila ma Ausetalia.

Ole afiafi ole Aso Faraile 4 o Novema na faia ai se taumafataga tele ale aoga Ia Malamalama Agape Bible College ile hall a Samani Pulepule i Magele e faamavae atu ai i nisi o tamaiti aoga ua faaiuina lo latou taumafai ile tausaga fā, faatasi ai ma le auaooga lea ua faauu ile tausaga lua.

Ole taeao ole Aso Toonai, ole aso fiafia lea mo aiga, ma uo aemaise o ekalesia sa tapuaia le alo faiva o nisi o latou sui oloo aotauina ai i totonu ole aoga, lea ua faamanuiaina i nisi o faailoga.

Ose aso foi ua momoli ai le viiga ole Atua e i latou e toasefulufā ua faauuina ma le manuia lo latou taumafai ile vasega fā ile faailoga ole Bachelor of Theology, ae ole tausaga lua ua faauuina ai i latou e toasefuluiva, ile faailoga ole Associates of Arts in Theology.

Ose faauuga mamalu ma le matagofie a’o pepese fiafia le mamalu ole auvalaaulia faapea le aufaauu e siitia le viiga ole Atua ona ua faaiuina ma le manuia suesuega ole afioga ale Atua i lenei tausaga.

Tausaga Lua (Associates of Arts in Theology)

Mautele Aisake (Livingstone Evangelism Ministry)

Sonny Ah Ching (Unity Rek Takanini)

James Anaua (Voice Ministry)

Silialaei Burgess (Le Au Uso Kerisiano Mangere)

James Faalogo (Otara A/G)

Fetuao Fretton (North Shore Methodist Church)

Ipu Iopu (New Hope City Mt Roskill)

Sala Isaia (Emanuel Christian Ministries)

Angie Knowles (Rock of Ages)

Fale Lemuava (Pacific Island Presbyterian Church – Owairaka)

Talalelei Mailo (Voice Ministries AIM)

Jossie Mapuilesua (Rock of Ages)

Tavita Mapuilesua (Revelation for Restoration)

Jasmine Meleisea (Good News Penrose)

Siteine Peterson (LDS Manukau)

Johnson Ropati (Alofa Tunoa Ministries)

Feiloaiga Timo (Revelation for Restoration)

Lagi Tuu Holoaki (Agape International Ministry)

Lifehimi Tuu Holoaki (Agape International Ministry)

Tausaga Fā (Bachelor of Theology)

Catherine Isaia (Emanuel Christian Ministries)

Ps Tiatia Aisake (Livingstone Evangelism Ministry)

Ps Albert Atoa (First Samoan Full Gospel Church)

Ioane Eneliko (Good News Penrose AOG)

Tasha Eneliko (Good News Penrose AOG)

Dennis Kake (Pacific Islands Presbyterian Church)

Lonise Kake (Pacific Islands Presbyterian Church)

Kaleopa Kepu (Vision Life Centre)

Ps Richard Kumar (Voice Ministries)

Talia Lene (Good News Penrose AOG)

Anna Meek (First Samoan Full Gospel Church)

Lusia Sooa (Good News Penrose AOG)

Simoo Tiatia (Mt Roskill Samoan AOG)

Ps Aleni Vini (Voice Ministries)

Comments

comments