O le susuga ia Atapana David Meleisea, na faauu mai le Iunivesite o Aukilani i le Aso Faraile o le vaiaso talu ai. O lana tikeri na maua o le Postgraduate Diploma in Fine Arts poo le Tusiata. O le faalua ai lea ona faauu le alii o Atapana; na faauu muamua i le tausaga talu ai, 2014 i lana tikeri o le Bachelor of Fine Arts. O se atalii e loto maulalo ma naunau toaga e fai ana meaaoga. Ae o le olaga e sili ona faatāua i lenei atilii, o lona ola mata‘u i le Atua ma lona usiusitai i ona mātua. Ua ia matuā talitonuina le faamautinoaga a le Tusi Paia i le Faataoto 1:7, “O le mata‘u i le Atua o le amataga lea o le poto.” Faafetai mo lau meaalofa matagofie, faafetai foi mo lou faafiafia ma faaeaea i lou aiga atoa aemaise nai ou mātua.
