Ole Aso Toonai na tea nei sa tatala aloaia ai le ausavali tele ale Walking Samoans i Porirua lea sa auai Faatonu ole Walking Samoans ile tofa Sooalo Setu Mua ma le fetalaiga Teleiai Edwin Puni. Faaalia e Sooalo, “Ose vaaiga ese le toatele o matua ma fanau sa auai faapea i taitai o Samoa i Porirua ae maise le tamaitai sui pulenuu ia Izzy Ford oloo ua avea ma se tasi o poutu ole ausavali.”
Ole fetalaiga Teleiai sa avea ma sui ole laulau a faatonu i lea taeao e momoli le faamalo ile auai o lo tatou atunuu e faatauaina le soifua maloloina aemaise ole tulai o taitai ia Siaosi Anamani ma Martin Mariota.
Ole weekend sa asia ai foi e Faatonu ia Sooalo ma Teleiai le kalapu savali Walking Samoans i Palmerston North oloo taitaia e tamaitai Samoa ia Florence Malama ma Anina Cowie.
Faaalia e Florence, “O la matou ausavali ua le gata i Samoa ae ua fiafia mai foi iai isi tagata e pei o Māori, Toga, Fiti ma papalagi.
Ole Aso Faraile na tea nei na see atu ai le kalapu savali ale Whau Walking Samoans i Avondale i lo latou nofoaga fou e mapu iai pe a mae’a a latou savaliga ma ose fiafiaga tele lea mo tamā ma tina matutua oloo auai.
Ole Walking Samoans e tatala i soo se tagata e fia auai ma e leai se totogi. Mo nisi faamatalaga ile Walking Samoans poo pitonuu e fia amata sa latou kalapu savali, e mafai ona faafesootai Sooalo Setu Mua 021 024 16982 poo Teleiai Edwin Puni 021 618 042
O kalapu nei e mafai ona agai iai:
Mangere Bridge taitaia e Lilia Ene-Sagala ma Toatolu Faumuina e savavali i Aso Gafua 10am ma Aso Faraile 10am ile Kiwi Espalande.
Clendon taitaia e Tutagailevao ma Potofou Taulia e savavali i Aso Gafua 10am ma Aso Lulu 10am e feiloai ile Clendon Library.
One Tree Hill taitaia e Leaupepe Talai ma Galumalemana Tai e savavali i Aso Gafua 6:30pm ma Aso Lulu 6:30pm.
Mangere taitaia e Leaupepe Pili ma Loli Mesepa e savavali ile Aso Lua Tuesdays 10am e feiloai ile faleaau a Mangere.
North Shore taitaia e Asuao Emi ma Malaesa e savavali i Aso Lua 6:30pm ile Sherperds Park i Beach Haven.
Tamaki taitaia e Sialaoa Sefo ma Patosina Winterstein e savavali i Aso Lulu 10am e feiloai ile Panmure Community Hall.
Palmerston North taitaia e Florence Malama ma Tasi Tauli e savavali i Aso Lulu 6pm feiloai ile Espalande Railway Station.
Otara taitaia e faafeagaiga ia Faasau ma Magele e savavali i Aso Tofi 10am e feiloai ile Otara Library.
Henderson taitaia e Niko Lalofau ma Vaotuua Latu e savavali i Aso Tofi 6:30pm ma Aso Sa 7am i Parrs Park.
Manukau taitaia e Tavai Menu ma Tui Eddie Taualapini e savavali i Aso Faraile 11:30am e feiloai ile Radio Samoa.
Manurewa taitaia e Amosa Kennar ma James e savavali i Aso Faraile 10am e feiloai i Maich Road.
Whau oloo taitaia e Titiula Tuigamala ma Savea Al Harrington Lavea e savavali i Aso Faraile 9am ma Aso Toonai 9am e feiloai ile Spider i Avondale.
Porirua taitaia e Siaosi Anamani ma Martin Mariota e savavali i Aso Toonai 8am ile Aotea Lagoon.
