O le viiga ma le faamanū i lo tatou Atua soifua i lona alofa ma lana musumusuga paia i o oulua loto, ua oulua lagonaina ai ua alagatatau ona tuufaatasia oulua i le sauniga o le faaipoipoga, ma ua faamautu atiliina ai lo oulua aiga, aemaise o le faavae mautu lava o le alofa ua uluitino pea o le tasi i le isi.
Ia Reupena ma Lige Maria, malo lava le onosai viia le Atua ina ua oulua aulia manuia le aso na oulua tuupoina e faataunuuina ai le faapaiaina o oulua. Ia manuia tele lo oulua aiga ma ia faavae lava i le Atua i soo se fuafuaga ma soo se faamoemoe mo le lelei atili o lo oulua aiga.
Alofaaga ma faamanuiaga mo oulua mai o oulua aiga uma i soo se vaega o le kelope, o Samoa ma Aotearoa faapena nai a oulua uo ma aumea mamae, ae faasili pea alofaaga mai nai o oulua alo o Ruban ma Dezmond. Manuia tele le aiga!
