O le aso na faia e Ieova e olioli ma fiafia ai lana fanau, e patipatia ai le atoaga o le 60 tausaga o le soifua o le susuga i le faafeagaiga ia Pastor Toomata Sione. O lea faamoemoe sa faia i le hall a le Ekalesia o le Voice of Christ i Magele. Sa auai uma aiga na lua, uo ma ē masani, faapea foi le susuga i faafeagaiga ma o latou faletua, aemaise o lana Ekalesia o le Rock of Ages.
O le viiga ma le faafetai i le Atua na avea ai le susuga i le faafeagaiga ia Faapaia Tuigamala ma ositaulaga e siitia le taulaga faafetai i le Atua ona o nei tausaga e tele ua faaopoopo i lana auauna. O le tatalo ma faamanuiaga ia toe tului nisi aso ma nisi tausaga se tele mo ia auā le tausiaina o le lafu mamoe ua totofi ai laua ma le tina o le galuega ia Sieni.
O faamanuiaga ma alofaaga ma tuafāfine ia Saini ma le fanau, o Malae ma Faotu‘i ma le aiga. Alofaaga mai le fanau ia Neta, Tiatia Halefoti ma Evelyn ma le fanau, Fuimaono ma Maa ma le fanau, Misipele ma Isapela ma le fanau faapea le masaga ia Dawn ma Dennis ae silisili ai alofaaga o le tina o le galuega ia Sieni, faapea lana Ekalesia o le Rock of Ages.
