O le tamaitai o Caroline Sene Pritchard na faamanatuina le 21 o ona tauaga i le Aso Toonai talu ai. O alalafaga o nai ona tuaa o Lealofi Lausei mai Laloaoa Vaigaga ae o si ona tina ia Lagi Pritchard e mai Tiavea.
O le fofoga o le aso o le tamā lava o le tamaitai fai aso fanau, le tofa ia Lealofi Lealaitagomoa Lausei Pritchard.
O le susuga ia Tuiloma Puletiuatoa sa fai ma sui o aiga e momoli se faafetai i le auvalaaulia ae tainane o auauna paia a le Atua.
O le susuga ia Poloai sa fai ma sui o le auvalaaulia e faafetaia le aiga mo faaaloaloga ua faamalieina ai le galala o le aofia e pei ona saunia le taumafataga e le fetalaiga ia Poulava Sam ma Lona Matautia o le Uncle Sam’s Takeaway.
