Na faatumulia le nofoaaga o faafiafiaga i le Gold Coast i le po o le Aso Lulu aso 16 o Iulai i le maimoaina o se tala sa tuufaatasia e se vaega mai Niu Sila.
O le faletua poo le tamaitai ia Anapela Polataivao, o ia lea o le faatonu o lenei tala matagofie, lea na tele ina faatinoina ma usuina pese ma na matuai ofo le aumaimoa i le agavaa o alo ma tupulaga sa faatinoina le tala i se tamā ma sona afafine na saili manuia mai atunuu i fafo ma faigaluega i se factory, o se falesuisui.
O le manaoga o le alo tamaitai o le tamā, e toe fia aoga peitai ona o le mativa o aiga i Samoa lea na faigaluega ai pea seia oo ina ea lona pologa.
E ui ina lē fiafia tagata Pasefika i totonu o lenei falefaigaluega ona o pulega faahitila a le alii pule, peitai na alalaga fiafia ina ua seei mai lona atalii e avea ma pule ina ua maliu o ia, ma faapea ai loa ona taunuu le miti a le teineitiiti e toe faaauau lana aoga.
O lenei talutalu fou ua tupu tele le malamalama ma le atamai o nei vaega o loo toe fafagu mai ai le faigata o le olaga na iai aso anamua, ae iai le talitonuga ua sili atu le faigata o nei aso ona o le taugata o le soifuaga.
