A’oa’o le tama ma le teine e tusa ma ona ala, a oo ina matua e lē toe tea ese ai

Adventures Rally a’o feagai ma le camp i le weekend ua tuanai SDA church South QLD
Adventures Rally a’o feagai ma le camp i le weekend ua tuanai SDA church South QLD

E lua aso na taufai gasolo atu ai Kalapu Su’eala i vaega laiti i le latou faatasiga e pei ona amataina ai le Adventures Rally i le Aso Toonai  na tea nei mai ekalesia Aso Fitu Koneferenisi e 11 a Kuiniselani i Saute (South QLD).

Na mua’i tatalaina ai le Adventures Rally e ala i sauniga ma vaega faaleagaga, ao le Aso Sa sa faia ai le Adventures Fair e aofia ai taaloga ma isi faagaioiga e faafiafia ai alo ma fanau.

O tamaiti e amata atu i le fa (4) tausaga e oo atu i le iva (9) tausaga le matutua e fitoitonu iai le camp lenei.

Sa auai le tele o matua Samoa faapea ekalesia e lagolago le faatasiga a alo ma fanau aua e patino mo soo se gagana ma soo se lanu ale ekalesia Aso Fitu o le Toe Afio Mai.

O le isi itu lelei o lenei faatasiga na foi tamaiti i aiga ua mae’a ona fesuia’i ni manaoga ina ia tatalo isi mo isi.

A’o faagasolo polokalame, na tufaina ni pepa e tusia ai manaoga o tamaiti ona fesuia’i lea o pepa a kalapu su’eala ma tolaulau nei manaoga e ala i talosaga a aulotu lava ia. E tele atunuu sa auai e pei o Samoa, Toga, Rarotonga, papalagi ma isi.

O nisi kalapu su’eala sa maua le avanoa e mafuta faatasi ai ma nonofo tumau i le nofoaga o le ekalesia i le itu i Matu sa faia ai le faatasiga sei vagana ai nisi sa tausavali atu i aiga. O le tausaga ua tunai sa faamamafaina le theme “Jesus is my Hero”

O le theme o lenei tausaga sa  faatauaina le autu, “Connceted to Jesus through Prayers”.

O le ‘auga ma le agaga maualuga ia a’oa’o alo ma fanau i ala o le Alii a oo ina matutua e le toe tea ese ai ma faamalosia ua na o le tatalo le auala e fesootai atu ai ia Iesu le uo a tamaiti, faa’aoa’o i ala o le Atua a’o laiti aua e sau aso e le toe iai se fefe ae malolosi e faasoa ma tala’i atu le finagalo o le Atua.