Mae‘a le fatia ua mou malie ese atu, i le tele o fuafuaga mamao ma moemitiga sa taumate pe tua i ni ā, sa tulivae foi i le tatalo e ala i talosaga ina ia aulia ma le manuia lea aso.
Vaaia i le faaiuga o le vaiaso na se‘i mavae atu nei le toe tumutumu o tapuaiga a Nuu ma afioaga o loo tauva ai i le taamilosaga o lenei tausaga e pei ona tapena i ai le Aukilani Samoa i tausaga uma, ma o se matatia ausia gata le aulia ai o le 20 tausaga talu ona faavae mai lenei Iuni Aukilani Samoa.
E tuumuli atu le Manu Samoa i le faaiuga o le vaiaso i ona tua atu ma faamanuiaga i le tapuaiga a Samoa i Aukilani, ae ili ai foi ma le faaili o le amataga o taaloga o lenei tausaga. O se aso matagofie, foliga paolo foliga mai o foufou mai ni timuga peitai na iu lelei lava ma le manuia faamoemoe i lea aso. O ia taaloga sa faatulagaina e amata i le itula o le 12 i le aoauli seia oo lava ina mae‘a taaloga i lea aso, se vaaiga lenei i taaloga sa tapena i ai le Iuni Lakapi Aukilani Samoa. Ma e lua Pools ua vaeluaina i ai.
POOL A POOL B
Tama o le Lava Apia Maroons
Nations Sataoa
Laumua o Tumua Nofoalii
Auckland REDS Mountford
Laulii Lions Marist
Moataa Saleimoa
Iva Tauaana
Matagofie faagasologa o taaloga i le vaiaso muamua, vaaia foi le pulea lelei o tapuaiga a kalapu faapea Nuu ma afioaga o loo auai i le taamilosaga o lenei tausaga, molimauina foi nisi o alii taaalo fou ua faaopoopo i le tele o nisi o kalapu lakapi o lenei tausaga, faapea foi nisi sa faiaogaina nisi o au i taamilosaga ua tuanai, ae o lea ua toe tauaveina le tulaga faafaiaoga i nisi o kalapu lakapi o lenei tausaga. E matagofie sauniuniga a kalapu taitasi i togiga maopoopo i le auai uma ai i taaloga na se‘i mavae atu i le malae. O se tasi o Au o lea ua toe foi mai i le taamilosaga a Aukilani Samoa i lenei tausaga mai le afioaga lea o Moataa, ma o se tasi foi lea kalapu sa iloga lo latou iai i totonu o le Aukilani Samoa.
Iuga la nei o taaloga mai le uluai vaiaso o taaloga Lakapi
Pool A
Moataa 31- Iva 12
Auckland Reds 19 – Laulii Lions 13
Nations 21 – Laumua o Tumua 11 (Taaloga o le Talita)
Pool B
Apia 25 – Sataoa 31
Nofoalii 27 – Mountford 27
Marist 12 – Saleimoa 18
Faagasologa o taaloga vaiaso nei 5th 2015
Draw Sat 5/9 /15
Pool A
Laumua o Tumua vs. Laulii Lions @ 12noon – Field 2
Tama ole Lava vs. Auckland Reds @ 1:30pm – Field 2.
Nations (Shield Holder) vs. Iva @ 3pm – Field 1. Shield match.
Moataa – Bye.
Pool B
Marist vs. Nofoalii @ 12noon – Field 1.
Apia vs. Saleimoa @ 1.30pm – Field 1.
Tauaana Roosters vs. Sataoa @ 3pm – Field 2.
Mountfort – Bye.
