Purer, Safer, Healthier, and Tastier
O le tasi foi lenei o faamanuiaga ua faapea ona taunuu i Aukilani i le tulaga o le vai mamā mo le taumafa. E lē gata ina mamā, ae saogalemu foi mai puipuiga malu, ae faapea foi ona soifua maloloina lelei, ae maeu le faigofie ona tofo ma taumafaina.
O le masini ua faaigoaina o le Alkaline Water System, ua ia faia se galuega matautia i le toe faamamāina faaono lea o le suavai mai le paipa, ma avanoa ai loa mo le taumafaina.
O le taamilosaga o le suavai i totonu o le masini ma ona faamamā e ono e pei ona ta‘ua, o le faamamāina ma le faamanifinifiina foi lea o le suavai ma atili mamā ai lava.
O le mafuaaga foi lea, o le faigofie ma fiafia i ai le fofoga se‘i tulou, faapea ma le laualo o le tagata e talia ma saga moomia atili ai lava le suavai mamā, ona sosoo ai loa lea ma le faaipoipo i ai, ma e lē toe tea ese ai.
O le iumia e le tino o lea suavai mamā, o le a faatupu vavega i totonu o le tino i le tafiesea o le ga‘o ma isi vaega e faatupu gasegase i le tino o le tagata, o le a faatupu malosi foi i nisi o itutino. Ma lagonaina ai le tino malosi.
O le mafuaaga foi lea ua faaigoa ai e nisi lea suavai o le Vai o Vavega. E iai foi nisi uiga ma vaega e fiafia tele i ai le tino i le taimi muamua, peitai a taumafa i lea suavai, o le a amata ona lē toe lagonaina ia faalogona, ma o le lē toe fiafia lava i ai ae o le a manao lava tau o le suavai mamā.
O nisi ia o faailoga ma faamaoniaga o le aogā ma le tāua o le suavai e pei ona tau faailoa i tagata.
O le faamatalaga lea sa saunoa i ai ma faamaonia e le susuga ia Lui Lemi, sa auai i polokalame faaleaoaoga sa faia, atoa ai ma le tufatufaina o lea suavai ua fai ma toomaga o nisi, ma ua talitonuina foi e le toatele o le atunuu o loo faaaogāina i le taimi nei.
O le masini e pei ona faaaogāina i le vaimamāina o le suavai, e iai sona tau o loo faatau ai, pe afai e manaomia e soo se tagata. E mafai ona faatau motu ma avea o se meatotino a le aiga, ma o le a saoloto ai le aiga i lona faaaogāina, ma o le a lē toe tau sailia ma fealuai ai i Sasae poo Sisifo.
Sa fesiliga foi le susuga ia Lui i sona finagalo i le Vai o Vavega e pei ona muai faalauiloaina muamua, ma oloo faasalalauina i luga o le leitio lana auaunaga.
O le tali a Lui e faapea, e leai sona eseesega ma lana foi taumafaiga, e tutusa lava i le tulaga o lona aogā mo le tino o le tagata. Peitai o lona taumafai, ina ia silasila le mamalu o le atunuu i se isi auala e mafai ai ona maua gofie lea suavai, e ala lea i le faatauina o le masini a le aiga lava latou pe a gafatia.
O loo maua le avanoa e agai ane ai le mamalu o le atunuu i le nofoaga o le Pacfic Ezy Money Transfer i Otara, e tofo ma silasila i le masini ma lona faagaioiga, atoa ai ma le taamilosaga a le suavai e mafua ai ona toe foi ane i fafo ua faamamāina mo le taumafaina.
E mafai foi ona fesootai ane pea i le susuga ia Lui Lemi i le telefoni 09 269 3797 poo le
021 176 1745.