Na amataina le Semina a le Ekalesia AOG Church of Samoa lea sa usuia mai i Kuiniselani i le Aso Faraile na tea nei.
Na amataina i le sauniga lotu ma le ‘ava faaaloalo ona alo lea i polokalame faataotooto.
O lenei semina o se faamalosiau i le aufaigaluega ma ekalesia taitasi lea sa malaga atu ai le Taitai a Ausetalia le susuga ia Ps Tae‘auga Ropati Frost.
O lea lava asiasiga na auai mai ai le failautusi aoao a Ausetalia le susuga ia Ps Tau Loli auā le faamaumauina o vaega uma o le semina, ae lē gata i lea o le Taitai a Melepone le susuga ia Ps Apouani Unasa faapea le teuoloa susuga ia Faitoaga Soloi ae tainane le toeaina ia Ps Lega Ropati.
O le mae‘a ai o sauniga i le Aso Sa ma le taumafataga aemaise o faaaloaloga na taape ai le filialii ma taliu ai le uto i nuu ma alalafaga.
Na iu manuia mea uma i le alofa ma le agalelei mai o le Atua.
