O le aso 17 o Oketopa sa tatalaina aloaia ai le fonotele a le Ekalesia Aoao i Paloma Reception Centre i Sunnybank ae faaiuina i le Aso Sa, 21 o Oketopa. O le afioga lava i le susuga ia Paulo Ieriko ua toe filifilia nei e fai ma Peresetene Aoao o le Ekalesia. O le failautusi – Itumalae Lilomaiava, Teuoloa – Alaimoana Faafuata.
I le mae‘a ai o le fonotele na faataunuuina ai se tafaoga e fiafia ai ma le aumalaga faapea le au usufono i le Aso Gafua, ae o le Aso Lua na ta‘ape ai le fuamanusina ma toe taliu le uto i fanua ma aiga faapea atunuu na malaga mai ai.
E fa Matagaluega a Brisbane e aofia ai Redcliffe, Inala, Logan City ma Goodna. Faamanuia pea le Atua i le toe tulai mai o le aumautofi o lenei paeaiga aemaise nofo a too o le galuega i ona vaega uma.
