E tele aso e tigaina ai, ae tasi lava le aso e faatāuaina ai ma mafuta ai aiga, o fanau, o uo ma ē masani o ē sa lagolago malosi i le tagata tauivi i le tele o aso, ina ia maua se ‘ai o le tauiviga faalemafaufau i a‘oa‘oga ma se moemitiga. E pei foi la ona sa iai le faauuga a le MSL (Motivation, Support and Leadership Training) i le vaiaso na se‘i mavae atu nei.
O se vasega toaitiiti sa tauiviina mataupu a‘oa‘oina i le silafia ma ia iloa ona faatino le tulaga tau faasalalau i le leitio ma le televise. E toatolu ni alo o Samoa ua faamanuiaina ai i nei foi taleni o le afioga Loli Lapana, Michael ma Nathaniel, ma e talitonu o le a faaaogāina lelei le tomai ma le malamalama ua maua e tautuaina ai si o tatou atunuu i ni aso o i luma.
Ia ua faamalo le tau, malo le tauivi, ia viia pea le Atua ona o faamanuiaga e auala mai i lona alofa.
