Ua maui atu le galulolo, ma ua saogalemu le toeaina ma le loomatua ma le tama a si fafine, ae paga lea, ua lei manuia lana taumafai e sola ese, e ui lava se tele le avanoa e ono saogalemu ai, peitai o uiga nei o le fafine mai lava i le amataga, e le mafai ona faamuamua sona manaoga, ae lei faamautinoa muamua le manuia saogalemu o mātua o lona toalua.
Ua tagi tautala le loomatua o Gagau, e ui ina oona le tui a le galulolo i mea faaleagaina, ae na tasi le mate a tagata uma i le mafatia o le loomatua, ona o lea ua iu lava ina uma le ola o le avā a si ana tama, o faatino pea lona tiute o le tausia o mātua o lona toalua.
Ua matua lagona e le loomatua lona salamō aua o lea ua matua talitonu nei i le alofa faamaoni o le fafine ia laua, ae pagā lea, ua leai se avanoa sei toe faamalie ai ia te ia.
